بقو پوليتسيا دەپارتامەنتىنىڭ ءباسپاسوز قىزمەتى ءمالىم ەتكەنىندەي, وقيعا بۇگىن ساعات 06.30-دا ورال-اتىراۋ جولىندا بولدى. اتالمىش جولدىڭ 224-شاقىرىمىندا اقجايىق اۋدانى تايپاق اۋىلى تۇسىندا «فولكسۆاگەن پاسسات» كولىگى توقتاپ تۇرعان جۇك كولىگىنە سوعىلعان.
سونىڭ سالدارىنان جەڭىل كولىكتىڭ 1951 جىلعى جۇرگىزۋشىسى جەدەل جاردەم كەلگەنگە دەيىن كوز جۇمدى. ەكى ادام اۋرۋحاناعا جەتكىزىلدى. قازىرگى كەزدە وقيعانىڭ جاي-جاپسارى انىقتالۋ ۇستىندە.
بقو دەنساۋلىق ساقتاۋ باسقارماسىنىڭ ءباسپاسوز حاتشىسى ايناگۇل ساقپوسىنوۆانىڭ ناقتىلاۋىنشا, قازىرگى كەزدە اقجايىق اۋداندىق اۋرۋحاناسىندا جاتقان 1956 جىلعى ەر جانە 1959 جىلعى ايەل ادامنىڭ جاعدايلارى ورتاشا.
ايەل جابىق باس-مي جاراقاتىن الىپ, ميى شايقالعان. ەر ادامنىڭ كەۋدە تۇسى كوگەرىپ, قابىرعالارى سىنعان.
