نۇر-سۇلتان قالاسى پوليتسيا دەپارتامەنتىنىڭ حابارلاۋىنشا, پوليتسەيلەر نازارىنا كەز كەلگەن ۇلگىدەگى قۇجات دايىنداۋدى ۋادە ەتكەن جاس ەر ادام تۇسكەن. ول قالا تۇرعىندارىنا الدىن الا تولەم الىپ, ۆاكتسينا پاسپورتىن 20 كۇن ىشىندە دايىنداپ بەرۋدى ۇسىنعان.
«ەر ادام جۇمىس ورنىنىڭ جانىندا 50 مىڭ تەڭگە كولەمىندەگى اقشانى الۋ ۇستىندە ۇستالدى. كۇدىكتى 28 جاستا. اتالعان فاكتى بويىنشا قىلمىستىق ءىس قوزعالدى. ۆاكتسينا پاسپورتىن ساتىپ الماق بولعان ازاماتتاردىڭ سانى انىقتالىپ جاتىر», دەپ جازىلعان حابارلامادا.
نۇر-سۇلتان قالاسىنىڭ پوليتسيا دەپارتامەنتى ازاماتتاردى زاڭعا قايشى كەز كەلگەن ارەكەت ءۇشىن جاۋاپكەرشىلىك بار ەكەنىن ەسكەرتەدى.
