ناتيجەسىندە, ەر ادام دەنەسى 90% كۇيىك شالىپ, ونى قۇتقارۋ مۇمكىن بولمادى. قىلمىس جاساعان كۇزەتشى ۇستالدى.
«جاعدايدى انىقتاۋ بارىسىندا 63 جاستاعى ەر ادام ءوزىنىڭ ەسكى كوتتەدجىن بولشەكتەۋگە شەشىم قابىلداعانى انىقتالدى. بىراق ساياجاي قوعامىنىڭ كۇزەتشىسى وعان كەدەرگى جاساي باستاعان. ارادا جانجال تۋىنداپ ساياجاي يەسى اشۋعا بۋلىعىپ, پنەۆماتيكالىق مىلتىق الىپ شىققان. ال ءبىرىنشى توپتاعى مۇگەدەك 62 جاستاعى كۇزەتشى ونىڭ ۇستىنە جانعىش سۇيىقتىق قۇيىپ, ورتەپ جىبەرگەن. جاساعان ارەكەتىن تۇسىنگەن كۇزەتشى وتتى سوندىرۋگە تىرىسقانىمەن جابىرلەنۋشى قاتتى كۇيىك الدى. ەر ادام العان جاراقاتتارىنان اۋرۋحانادا كوز جۇمدى», دەدى بقو پد رەسمي وكىلى بولاتبەك بەلگىبەكوۆ.
قر قك-ءنىڭ 106-بابى 3-بولىگى (ولىمگە اكەپ سوققان دەنساۋلىققا قاساقانا اۋىر زيان كەلتىرۋ) بويىنشا سوتقا دەيىنگى تەرگەۋ باستالدى.
