ايماقتان 500 توننا ءونىم تيەلگەن جۇك كولىكتەرى جولعا شىقتى. جارمەڭكەگە تۇركىستان ءوڭىرىنىڭ 50-گە جۋىق تاۋار ءوندىرۋشىسى قاتىسادى. باس قالا تۇرعىندارىنا ولار ەت جانە ءسۇت ونىمدەرىن, كوكونىس, باقشا داقىلدارىن, جەمىس-جيدەك, سونداي-اق بال ۇسىنادى.
جارمەڭكەدە تاۋارلار نارىقتان 15-20% ارزان باعادا ساتىلادى.
«جارمەڭكە 21-22 تامىز كۇندەرى نۇر-سۇلتان قالاسى حان شاتىر اۋماعىنداعى اۆتوتۇراق اۋماعىندا وتەتىن بولادى. جالپى جارمەڭكەگە تۇركىستان وبلىسىنىڭ 16 اۋدانىنان 34 ءتۇرلى ءونىم جىبەرىلىپ وتىر. كوكونىس, كارتوپ, باقشا داقىلدارىمەن ءبىز ءوزىمىزدى 100% قامتاماسىز ەتەمىز. ارتىعى رەسپۋبليكانىڭ وزگە وڭىرلەرىنە, سونىمەن قاتار رەسەي, بەلارۋس ەلدەرىنە ەكسپورتتالىپ جاتىر», دەدى وبلىستىق اۋىل شارۋاشىلىعى باسقارماسى باسشىسىنىڭ ورىنباسارى نۇربول بەكمۇراتوۆ.
