پاۆلودار وبلىسى تج دەپارتامەنتىنىڭ ءباسپاسوز قىزمەتى حابارلاعانداي, ءورت تۋرالى حابارلاما بۇگىن تاڭعى ساعات 10:20-دا كەلىپ ءتۇستى. ءورت نۇركين كوشەسىندەگى جەكە تۇرعىن ءۇيدىڭ ەكىنشى قاباتىنداعى بولمەنى قامتىدى.
وقيعا ورنىنا تجد-ءنىڭ 5 تەحنيكاسى مەن 16 قىزمەتكەرى, سونداي-اق اپاتتار مەديتسيناسى ورتالىعىنىڭ بريگاداسى شىقتى. ساعات 11-گە قاراي قۇتقارۋشىلار ءورتتى ءسوندىردى. 20 شارشى مەتر الاڭدا ءۇي زاتتارى مەن جيھازدارى ورتەنىپ كەتكەن.
ءورت سالدارىنان ءۇي يەسىنىڭ 2002 جىلى تۋعان قىزى 30% كۇيىكپەن اۋرۋحاناعا جاتقىزىلدى.
ءورت ءسوندىرۋ قىزمەتىنىڭ مالىمەتىنشە, ءورتتىڭ سەبەبى - ۇيالى تەلەفون بولدى.
«قىز ونى توققا قوسىپ, توسەككە قويىپ, ۇيىقتاپ قالعان شىعار, سوندىقتان سمارتفوننىڭ قالاي جانىپ كەتكەنىن بايقامادىق», دەيدى زارداپ شەككەن قىزدىڭ اتا-اناسى.
ورتكە سەبەپ بولعان ۇيالى تەلەفون قانداي مودەل بولعانى ازىرگە بەلگىسىز.
