باسەكەلەستىكتى قورعاۋ جانە دامىتۋ اگەنتتىگى اتىراۋ وبلىسى بويىنشا دەپارتامەنتىنىڭ ماماندارى ازىق-ت ۇلىكتىڭ ريتەيل نارىعىنا تالداۋ جۇرگىزگەن.
«الەۋمەتتىك ماڭىزى بار ازىق-ت ۇلىك تاۋارلارىن كوتەرمە جەتكىزۋشىلەردەن رەترو بونۋستار جانە دۇكەن سورەلەرىندە ءونىم كورسەتىلگەنى ءۇشىن ماركەتينگتىك تولەمدەردى تالاپ ەتۋگە قاتىستى «يدەال ماركەت» جشس (يدەال, ليدەر دۇكەندەرى), «تد يارماركا» جشس, «انۆار» جشس جانە «Marco» جشس-ءنىڭ ساۋدا جەلىلەرى تاراپىنان بۇزۋشىلىقتار انىقتالدى.
ماسەلەن, كۇنباعىس جانە سارى ماي, ءسۇت ونىمدەرىن كوتەرمە جەتكىزۋشىلەرىمەن شارتتار جاساۋ كەزىندە 2%-دان 7%-عا دەيىن سىياقى تولەۋ بەلگىلەنگەن. ىشكى ساۋدا قاعيدالارىنا سايكەس ىشكى ساۋدا سۋبەكتىسىنىڭ (بۇل جاعدايدا جوعارىدا كورسەتىلگەن ساۋدا جەلىلەرى) قازاقستان رەسپۋبليكاسىنىڭ ۇكىمەتى بەكىتەتىن تىزبەدە كورسەتىلگەن الەۋمەتتىك ماڭىزى بار ازىق-ت ۇلىك تاۋارلارىن ساتىپ الۋىنا بايلانىستى سىياقى تولەۋگە جول بەرىلمەيدى. بۇل قوسىمشا ماركەتينگتىك تولەمدەر ەسەبىنەن باعانىڭ وسۋىنە جول بەرمەۋ ماقساتىندا قاراستىرىلعان», دەلىنگەن وڭىرلىك دەپارتامەنتتىڭ اقپاراتىندا.
وسىعان بايلانىستى اقپارات ءتيىستى شارالار قابىلداۋ ءۇشىن اتىراۋ قالالىق كاسىپكەرلىك جانە اۋىل شارۋاشىلىعى بولىمىنە جىبەرىلدى.
