حابارلامادا توتەنشە جاعداي كەزىندە مەملەكەتتەن 42 500 تەڭگە العاندار ۇمىتكەر 960 مىڭ تەڭگە الا الاتىنى تۋرالى جازىلعان. ول ءۇشىن الاياقتار 1414 قىسقا نومىرىنەن كەلگەن SMS حابارلاماداعى كودتى ايتۋدى سۇرايدى.
«ۇلتتىق اقپاراتتىق تەحنولوگيالار» اق وسى نومىردەن الەۋمەتتىك تولەمدەر حابارلاماسى جىبەرىلگەنى تۋرالى اقپاراتتى جوققا شىعاردى.
«قۇرمەتتى پايدالانۋشىلار, ازاماتتارعا ءارتۇرلى قۇرىلىمداردان حابارلاسىپ, 1414 -تەن الىنعان كودتى ۋدف سۇرايتىندار كوبەيگەن. ۇات الەۋمەتتىك تولەمدەردى الۋ ءۇشىن 1414-تەن كود جىبەرمەيتىنىن ەسكەرتەمىز. الاياقتارعا ەشقانداي اقپاراتتى بەرمەۋدى جانە 1414-تەن الىنعان كودتى ءۇشىنشى تۇلعالارعا ايتپاۋدى سۇرايمىز», دەلىنگەن ۇيىم حابارلاماسىندا.
الاياقتاردىڭ مۇنداي ارەكەتتەرى الەۋمەتتىك ينجەنەريا دەپ اتالادى. بۇل ادامنىڭ پسيحولوگياسىن ەسكەرە وتىرىپ, جەكە دەرەكتەردى زاڭسىز الۋ ءادىسى. مىسالى, كەي الاياقتار بانك قىزمەتكەرى رەتىندە حابارلاسىپ, ابونەنتتىڭ ەسەپشوتىنداعى قاۋىپسىزدىكتى قامتاماسىز ەتۋ ءۇشىن قۇپيا دەرەكتەردى سۇرايدى.
