ە.رىباكينا رەسەيلىك ۆەرونيكا كۋدەرمەتوۆامەن بىرگە العاشقى اينالىمدا تۋنيستىك ونس جابەر – ۇندىستاندىق سانيا ميرزامەن كەزدەستى.
قازاقستاندىق-رەسەيلىك جۇپ 7:5, 6:2 ەسەبىمەن جەڭىسكە جەتتى. ءبىر ساعاتتان استام ۋاقىتقا سوزىلعان ماتچتا رىباكينا مەن كۋدەرمەتوۆا 1 ەيس جاساپ, 6 برەيك-پوينتتىڭ تورتەۋىن پايدالاندى. قارسىلاستارى 2 ەيس, 1 برەيكپەن شەكتەلدى.
ە.رىباكينا مەن ۆ.كۋدەرمەتوۆا شيرەك فينالعا شىعۋ ءۇشىن وسى جارىستىڭ 4-راكەتكالارى, امەريكالىق نيكول مەليچار – نيدەرلاندىلىق دەمي سحيۋرسپەن كۇش سىناسادى.
تاعى ءبىر قازاقستاندىق, الەمنىڭ 36-راكەتكاسى يۋليا پۋتينتسەۆا جەكەلەي سىندا ءۇشىنشى اينالىمعا شىعا المادى. ول الەمنىڭ 6-راكەتكاسى, چەحيالىق كارولينا پليشكوۆاعا 3:6, 2:6 ەسەبىمەن جول بەردى.
ءبىر ساعاتتان استام ۋاقىتقا سوزىلعان بۇل كەزدەسۋدە چەحيالىق تەننيسشى 5 ەيس, 3 برەيككە قول جەتكىزدى. يۋ.پۋتينتسەۆا 4 ەيس جاساعانىمەن, بىردە-ءبىر برەيك جاساي العان جوق.
ە.رىباكينا جەكەلەي سىندا الەمنىڭ 31-راكەتكاسى, يسپانيالىق پاۋلا بادوسامەن شەبەرلىك بايقاسادى. ول 2 ساعات 20 مينۋتقا سوزىلعان تارتىستى باسەكەدە الەمنىڭ 3-راكەتكاسى, بەلارۋس وكىلى ارينا سوبولەنكونى 5:7, 6:2, 7:6 (7:4) ەسەبىمەن ۇتىپ كەتتى.
