اقمولا وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, 15 تامىزدا كوكشەتاۋ قالاسىنىڭ گوگول كوشەسىندە ەر ادامنىڭ الكوگول ونىمدەرىن زاڭسىز ساتۋمەن اينالىساتىنى تۋرالى اقپارات تۇسكەن.
«پوليتسيا قىزمەتكەرلەرى 16 تامىزدا ايتىلعان مەكەنجايدا الكوگول ونىمدەرىن قۇيۋ تسەحىن انىقتادى. جەراستى تسەحىن وبلىس ورتالىعىنىڭ 50 جاستاعى تۇرعىنى ۇيىمداستىرعان. تسەحتى تەكسەرۋ بارىسىندا پوليتسيا 200 ليتر ەتيل ءسپيرتىن, 40 بلوك كونترافاك تەمەكى ءونىمىن جانە الكوگول قۇيۋعا ارنالعان ارنايى ىدىستاردى تاپتى», دەدى ۆەدومستۆودان.
تاركىلەنگەن سۇيىق ۇلگىلەرى ساراپتاماعا, سونداي-اق تۇتىنۋشىلار دەنساۋلىعىنا قاۋىپتىلىگىن انىقتاۋ تۇرعىسىنان زەرتتەۋگە جىبەرىلدى. ماتەريال مەملەكەتتىك كىرىستەر باسقارماسىنا جولداندى.
