«فولكسۆاگەن-پاسسات» ماركالى اۆتوكولىگىنىڭ 27 جاستاعى جۇرگىزۋشىسى ءرۋلدى باسقارا الماي, بەتون باعاناعا سوعىلعان.
جول-كولىك وقيعاسى سالدارىنان وقيعا ورنىندا 12 جاسار بالا قازا تاپتى, ال 11 جاستاعى بالا ءتۇرلى دەنە جاراقاتتارىمەن بايزاق اۋدانىنىڭ ورتالىق اۋرۋحاناسىنا جەتكىزىلىپ, اۋرۋحاناعا جاتقىزىلدى.
كولىك اپاتىنان كەيىن جۇرگىزۋشى كولىكتى وقيعا ورنىندا قالدىرىپ, بەلگىسىز باعىتقا قاشىپ كەتكەن.
«اتالعان دەرەككە قاتىستى قر قك 345-بابىنىڭ 3-بولىگى, 347-بابى (اۋىر زارداپتار تۋىنداعان جاعدايدا كولىك قۇرالىن باسقاراتىن جانە جول ءجۇرىسى نەمەسە كولىك قۇرالدارىن پايدالانۋ قاعيدالارىن بۇزعان ادامنىڭ جول-كولىك وقيعاسى بولعان جەردەن كەتىپ قالۋى ) بويىنشا سوتقا دەيىنگى تەرگەۋ امالدارى باستالدى. وقيعانىڭ ءمان-جايى انىقتالۋدا, ءتيىستى سوت ساراپتامالارى تاعايىندالدى», دەلىنگەن وبلىستىق پوليتسيا دەپارتامەنتىنىڭ حابارلاماسىندا.
جەدەل ىزدەستىرۋ شارالارىنىڭ ناتيجەسىندە جۇرگىزۋشى انىقتالىپ, ونى بۇلتارتپاۋ شاراسىن تاڭداۋ ماسەلەسى شەشىلۋدە.
قازىرگى تاڭدا قىلمىستىق ءىس بويىنشا تەرگەۋ ارەكەتتەرى جۇرگىزىلۋدە. پوليتسيا دەپارتامەنتى قازاقستان رەسپۋبليكاسى قىلمىستىق-پروتسەستىك كودەكسىنىڭ 201-بابىنىڭ تالاپتارىنا سايكەس, باسقا دەرەكتەر تەرگەۋ مۇددەسىندە جاريالاۋعا جاتپايتىندىعىن حابارلاعان.
