شقو پوليتسيا دەپارتامەنتى ءباسپاسوز قىزمەتىنىڭ حابارلاۋىنشا, 16 تامىزدا ساعات 11:00 شاماسىندا, 67 جاستاعى «LADA VESTA» كولىگىنىڭ جۇرگىزۋشىسى داستەنوۆ كوشەسىنەن جانگەلدين كوشەسىنە شىعابەرىستە, باستى جولدا ءجۇرىپ كەلە جاتقان «RENAULT» ماركالى جۇك كولىگىمەن سوقتىعىسقان.
جول-كولىك وقيعاسىندا «LADA VESTA» كولىگىنىڭ جولاۋشىسى, 2020 جىلى دۇنيەگە كەلگەن بالا العان دەنە جاراقاتتارى سالدارىنان وقيعا ورنىندا كوز جۇمدى. كولىك جۇرگىزۋشىسى جانە تاعى ەكى جولاۋشىسى ءتۇرلى دەنە جاراقاتتارىمەن اۋرۋحاناعا جەتكىزىلدى.
اتالعان فاكتى بويىنشا قر قك 345-بابىنىڭ 3-بولىگى بويىنشا سوتقا دەيىنگى تەرگەۋ باستالدى. وقيعا ورنىندا تەرگەۋ-جەدەل توبى جۇمىس ىستەۋدە. بىرقاتار ساراپاتامالار تاعايىندالدى.
