جارىسقا نۇر-سۇلتان, الماتى, شىمكەنت قالالارى, الماتى, اقمولا, باتىس قازاقستان, سولتۇستىك قازاقستان, جامبىل, قىزىلوردا, قوستاناي جانە شىعىس قازاقستان وبلىستارىنان 130 سپورتشى قاتىسادى.
«رەسپۋبليكالىق شارا تاۋەلسىزدىكتىڭ 30 جىلدىعىن مەرەكەلەۋ اياسىندا شىعىس قازاقستان جەرىندە ءوتىپ جاتىر. جارىسقا وننان استام وڭىردەن ءۇمىت كۇتتىرەتىن جاس سپورتشىلار كەلدى. ماقساتىڭىزعا جەتۋىڭىزگە تىلەكتەسپىز», دەدى شقو اكىمىنىڭ ورىنباسارى ازامات مۇحامەدچينوۆ اشىلۋ سالتاناتىندا.
جارىسقا قاتىسۋشىلاردى جول پوليتسياسى, جەدەل جاردەم جانە كومەكشى كولىكتەر الىپ جۇرەدى.
«بۇل جارىس وتە ماڭىزدى. بيىل ول شىعىس قازاقستاندا وتكىزىلەدى, سەبەبى مۇنداعى رەلەف پەن جولدار ۆەلوجارىسقا وتە قولايلى. بارلىعى بۇل جولدار يتالياعا ۇقسايتىنىن ايتادى. مەن جارىس ءادىل وتكەنىن قالايمىن, سەبەبى ناتيجەسىندە ۆەلوشاباندوزدار الەم چەمپيوناتىنا ىرىكتەلەدى», دەيدى قر ەڭبەك سىڭىرگەن جاتتىقتىرۋشىسى راشيد حاكيموۆ.
ايتا كەتەيىك, ءىس-شارا بارلىق سانيتارلىق-ەپيدەميولوگيالىق نورمالارعا سايكەس جۇرگىزىلەدى.
ۆەلوجارىستىڭ جابىلۋ سالتاناتى 19 تامىزعا جوسپارلانعان.
ۇيىمداستىرۋشىلار: قر ءبىلىم جانە عىلىم مينيسترلىگى ۇلتتىق عىلىمي-پراكتيكالىق دەنە تاربيەسى ورتالىعى, «قازاقستاندىق ۆەلوسپورت فەدەراتسياسى» رەسپۋبليكالىق قوعامدىق ۇيىمى, شىعىس قازاقستان وبلىسىنىڭ اكىمدىگى مەن ءبىلىم بەرۋ باسقارماسى.
