«قازىرگى ۋاقىتتا پد قىزمەتتەرى مەن بولىمدەرىنىڭ قىزمەتكەرلەرى «الماتى جاستارى 3.0» تۇرعىن ءۇي باعدارلاماسىنا قاتىسۋعا 707 ءوتىنىم بەردى. 349 ءوتىنىش بەرۋشى تولەم قابىلەتتىلىگىن راستاۋ ءۇشىن بانككە جولداما الدى. بۇل كەزەڭدە 46 پوليتسيا قىزمەتكەرى وسى باعدارلاما بويىنشا پاتەر الدى, بانكتە تاعى 86 ءتارتىپ ساقشىسىنىڭ قۇجاتتارى قارالۋدا», دەدى الماتى قالالىق پوليتسيا دەپارتامەنتى باستىعىنىڭ ورىنباسارى ءابدۋالي ناشاربەكوۆ.
سونداي-اق اتالعان تۇرعىن ءۇي باعدارلاماسى بويىنشا مەملەكەتتىك قىزمەتشىلەرگە 1 مىڭ تۇرعىن ءۇي نەسيەسى ءبولىندى, ونىڭ 170-ءى پوليتسيا قىزمەتكەرلەرىنە تيەسىلى.
