بۇل تۋرالى قازاقپارات ۇلتتىق ستاتيستيكا بيۋروسىنىڭ مالىمەتتەرىنە سىلتەمە جاساپ جازدى.
حالىق ساناعى بۇۇ باس اسسامبلەياسى جاريالاعان 2020 جىلعى حالىق ساناعى مەن تۇرعىن ءۇي قورىنىڭ دۇنيەجۇزىلىك راۋندى اياسىندا جۇزەگە اسىرىلادى. 2021 جىلى حالىق ساناعى الەمنىڭ 61 ەلىندە وتەدى.
الداعى حالىق ساناعىنىڭ قۇندىلىعى ونىڭ قازاقستان رەسپۋبليكاسىنىڭ حالقى بويىنشا دەموگرافيالىق احۋالدى ءبىلىپ قانا قويماي, الەۋمەتتىك سالانىڭ كوپتەگەن اسپەكتىلەرى بويىنشا احۋالدى بولجاۋعا مۇمكىندىك بەرەدى.
حالىق ساناعى ەلدىڭ ۇلتتىق ستاتيستيكالىق جۇيەسىنىڭ قۇرامداس جانە اجىراماس بولىگى, حالىق جانە ونىڭ تۇرعىن ءۇي جاعدايلارى تۋرالى دەرەكتەردىڭ نەگىزگى كوزى بولىپ سانالادى. حالىق ساناعىنىڭ قورىتىندىلارى ەلدە ورىن العان ەكونوميكالىق, دەموگرافيالىق جانە الەۋمەتتىك وزگەرىستەردى ايقىندايدى.
حالىق ساناعى بارىسىندا الىنعان ستاتيستيكالىق دەرەكتەر بارلىق دەڭگەيدەگى بيۋدجەتتەردىڭ بارىنشا وبەكتيۆتى قالىپتاسۋىنا نەگىز بولماق. ەكونوميكا مەن بيۋدجەتتىك باعدارلامالاردى جوسپارلاۋ جانە دامىتۋ ءۇشىن قۇرىلىس پەن تۇرعىن ءۇيدى ءبولۋ, دەموگرافيالىق جانە كوشى-قون پروتسەستەرى, ءبىلىم, دەنساۋلىق ساقتاۋ, الەۋمەتتىك سالا جانە جۇمىس ورىندارىن قۇرۋ بويىنشا باعدارلامالاردى دامىتۋعا جاردەمدەسەتىن حالىق ساناعىنىڭ اقپاراتتىق دەرەكتەرى قاجەت.
ۇلتتىق حالىق ساناعىنا قاتىساتىن ءاربىر ازامات مەملەكەتتىك الەۋمەتتىك باعدارلامالاردى جوسپارلاۋ جانە ازىرلەۋگە اۋقىمدى جانە قۇندى ۇلەسىن قوسادى.
