سپورت • 12 تامىز، 2021

يسپانيادا توپ جارۋدى كوزدەيدى

39 رەت كورسەتىلدى

الداعى سەنبى كۇنى ۆەلوشاباندوزدار ءۇشىن الەمدەگى ەڭ ماڭىزدى ءۇش ءىرى جارىستىڭ ءبىرى سانالاتىن – «يسپانيا ۆۋەلتاسى» گراند-تۋرىنىڭ جالاۋى جەلبىرەيدى. 5 قىركۇيەككە دەيىن جالعاساتىن باسەكەگە قازاقستاندىق-كانادالىق Astana – Premier Tech ۆەلوكومانداسىنىڭ وكىلدەرى دە قاتىسادى.

76 جىلدىق تاريحى بار ايگىلى جارىستىڭ ۇيىمداستىرۋشىلارى بيىلعى باسەكەنىڭ كەستەسىنە از­­داعان وزگەرىس ەنگىزگەن ەكەن. 2021 جىلعى «يسپانيا ۆۋەل­تاسى» 800 جىلدىق تاريحى بار بۋر­گوس شىركەۋىنەن باستالىپ، سان­تياگو-دە-كومپوستەلا قا­لا­سىندا ورنالاسقان «اۋليە ياكوۆ­­تىڭ جولى» دەپ اتالاتىن ەۋ­روپاداعى ەڭ ايگىلى تاريحي مە­كەندە ءوز مارەسىنە جەتەدى. يس­­پا­نياداعى وسى ەكى ۇلى تاريحي جەردىڭ قۇرمەتىنە بيىلعى «ۆۋەلتا-2021» ۆەلوجارىسىنىڭ في­نالى ادەتتەگىدەي مادريدتە ەمەس، سانتياگو-دە-كومپوستەلا قالاسىندا وتەدى.

ءۇش اپتاعا سوزىلاتىن جا­رىس­تىڭ ءبىرىنشى جەتى كۇنىندە ۆەلوشاباندوزدار بۋرگاس قالاسىنان جولعا شىعىپ، يسپانيانىڭ ورتالىعىنا جانە جەرورتا تەڭى­زىنىڭ جاعالاۋىنا قاراي جۇرە وتىرىپ، ەلدىڭ وڭتۇستىك ايماعىنداعى مۋرسيا قالاسىنا بەت الادى. ەكىنشى اپتاداعى جارىس كۇنى ان­دا­لۋسيادا باستالىپ، سپورتشىلار سولتۇستىككە جول تارتادى. ال «يسپانيا ۆۋەلتاسىنىڭ» سوڭ­عى اپتاسى بيسكاي شىعا­نا­­­عى­نىڭ جا­عالاۋىندا وتەدى. ۆە­لو­شا­باندوزدار ءارى قاراي با­تىس­قا، ياعني اتلانت مۇحيتىنىڭ جا­عالاۋىنا قاراي جۇرەدى. سون­داي-اق بيىلعى گراند-تۋردىڭ بۇ­­عان دەيىنگى جارىستاردان تا­عى ءبىر ەرەكشەلىگى، ءبىرىنشى كە­زەڭ جە­كەلەي سايىسپەن باستالىپ، 5 قىركۇيەكتە ءدال وسىنداي سپرين­تەرلەردىڭ باسە­كەسىمەن اياقتالادى.

ءۇش اپتاعا سوزىلاتىن 21 كە­زەڭدە ۆەلوسپورتشىلار بارلىعى – 3 417،7 شاقىرىم جول جۇرەدى. سونداي-اق سپورتشىلارعا جارىس بارىسىندا تىنىعىپ، قوسىمشا كۇش جيناپ الۋ ءۇشىن ءار اپتانىڭ سوڭىندا ءبىر-ءبىر كۇننەن دەمالىس بەرىلەدى.

بىلتىرعى جارىستى جالپى­كوماندالىق ەسەپتە ءۇشىنشى ورىندا اياقتاپ، ءبىر كەزەڭدە (يون يسا­گيررە، 6-كەزەڭ) جەڭىسكە جەتكەن Astana – Premier Tech كومانداسى وكىلدەرى وسى ماۋسىمدا دا جالپى ەسەپتە بولسىن، جەكەلەگەن كەزەڭدە بولسىن جەڭىسكە جەتۋدى كوزدەيدى. جانە بيىل سوعان ساي مىقتى شاباندوزداردان قۇرالعان قۇراممەن قاتىسپاق.

«يسپانيا ۆۋەلتاسى-2021» گراند-تۋرىندا «استانا» ۆەلو­كو­مانداسىنىڭ ءبىر توپ يسپا­نيا­لىق ۆەلوشاباندوزى ونەر كورسە­تەدى. اتاپ ايتار بولساق، الەكس ارانبۋرۋ، ومار فرايلە، يون يساگيررە، گوركا يساگيررە، وسكار رودريگەس، لۋيس لەون سان­چەس جانە الەكساندر ۆلاسوۆ (رە­سەي) پەن قازاقستاندىق يۋري ن­اتاروۆ باس جۇلدە ءۇشىن باق سىناپ كورەدى. ارينە، جانكۇيەرلەر دە، كلۋب باس­شىلىعى دا بۇل قۇراممەن جا­رىستىڭ كوشىن باستاۋ وڭاي ەمەس ەكەنىن جاقسى تۇسىنەدى. ايت­كەنمەن قازاقستاندىق-كانادالىق كوماندا «ۆۋەلتادا» كەزەڭ جە­ڭىمپازى اتانۋ ءۇشىن بار كۇشىن سالاتىنى انىق.

جۋىردا عانا مارەسىنە جەتكەن «دجيرو د’يتاليا-2021» ۆە­لو­دو­داسىنىڭ باس كلاسسيفيكا­تسيا­سىندا ءتورتىنشى ناتيجە كور­سەت­كەن الەكساندر ۆلاسوۆ بي­ىل­ع­ى «ۆۋەلتادا» كوماندا كوش­باس­شى­سى بولىپ، جالپى ەسەپتە جوعارى ورىندار ءۇشىن تالاسادى. وعان يون مەن گوركا يساگيررە، لۋيس لەون سانچەس، ومار فرايلە، وسكار رودريگەس، الەكس ارانبۋرۋ جانە گراند-تۋرداعى دەبيۋتىن اسىعا كۇتىپ جۇرگەن قازاقستاندىق جاس شاباندوز يۋري ناتاروۆ كومەكتەسەدى.

ء«بىز يسپانياعا مىق­تى قۇ­رام­مەن اتتانىپ بارامىز. الەك­­ساندر ۆلاسوۆ ءبىز­دىڭ كوش­باسشىمىز بولادى جانە ول «ۆۋەلتاداعى» بىلتىرعى نا­تي­­جەسىن جاقسارتادى دەپ ۇمىت­تەنەمىز. ا.ۆلاسوۆ قازىر ناعىز با­بىندا. ءبىزدىڭ ۆەلوشا­باندوزدار قۇرامىندا التى يس­پانيالىق بار. سوندىقتان ولار دا ءوز ەلىندە وتەتىن جارىستىڭ قان­شالىقتى ماڭىزدى ەكەنىن جاقسى بىلەدى. يون، گوركا، لۋيس لەون، الەكس، ومار جانە وسكار ۆلاسوۆقا شە­شۋشى كەزەڭدەردە كومەكتەسەدى. بىراق ولار جەكەلەي كەزەڭدەردە دە باعىن سىناپ كورەدى. 24 جاستاعى يۋري نا­تاروۆ «ۆۋەلتادا»، جالپى ال­عاندا گراند-تۋردا دەبيۋت جاساۋعا دايىندالىپ جاتىر. ول وسىنداي ءىرى جارىستارعا قاتىسۋ ارقىلى تاجىريبە جي­ناق­تاپ، كاسىبي ۆەلوشاباندوز رە­تىن­دە دامي تۇسە­دى»، دەدى كو­مان­­دا­نىڭ سپورت مەنەد­جەرى دمي­ت­­ري­ي فوفونوۆ.

بۇگىنگە دەيىن «يسپانيا ۆۋەل­­­تاسىندا» تالاي مىقتى ۆە­لو­­­شا­باندوزدىڭ ونەر كورسەت­كەنى بەلگىلى. وسى دودادا قا­تا­رىنان ەكى جىل (2019، 2020) جالپى ەسەپتە كوش باستاپ، قىزىل جەيدەنى ەشكىمگە بەر­مەگەن سلوۆەنيالىق پريموج روگليچ (Team Jumbo-Visma) بيىل دا ۇز­دىكتەر قاتا­رىنان كورىنۋگە نيەتتى. سونداي-اق بيىلعى جارىستان وزگە دە اتاقتى ۆەلوشاباندوزدار تىس قالعان جوق. اتاپ ايتار بولساق، 2019 جىل­عى «دجيرو د’يتاليا» گراند-تۋرى­نىڭ جەڭىمپازى، توكيو وليم­پيا­داسىنىڭ چەمپيونى ەكۆا­دورلىق ريچارد كاراپاس (Ineos Grenadiers)، بيىلعى «دجيرو د’يتاليا-2021» دوداسىنىڭ باس جۇل­­دەسىن ولجالاعان ەكۆادورلىق ەگان بەرنال (Ineos Grenadiers)، بريتانيالىق حيۋ كارتي (EF Education – Nippo)، يس­پا­نيالىق ميكەل لاندا (Bahrain-Victo­rious) جانە تاعى باسقا تانى­مال ۆە­لوشا­باندوزدار جارىس كورىگىن قىز­دىرماق.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار