ۆەدومستۆو قر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ اقپاراتتىق قىزمەتىنە مونيتورينگ جۇرگىزدى. ماقسات - مەملەكەتتىك قىزمەتشى, مەكتەپ ديرەكتورى, سونداي-اق بۋحگالتەر جانە مەملەكەتتىك ساتىپ الۋدى ۇيىمداستىرۋعا قاتىساتىن ادامداردىڭ اكىمشىلىك نەمەسە قىلمىستىق جاۋاپكەرشىلىككە تارتىلۋ تاريحىن زەرتتەۋ. ناتيجەسىندە سىبايلاس جەمقورلىققا قارسى قىزمەت بۇرىن قىلمىستىق قۇقىق بۇزۋشىلىق جاساعان 14 ادامدى انىقتادى. ونىڭ سەگىزى - ديرەكتور, ۇشەۋى - مەملەكەتتىك ساتىپ الۋدى ۇيىمداستىرۋمەن اينالىساتىن قىزمەتكەر جانە ۇشەۋى - ەسەپشى. وسىنىڭ ىشىندە التاۋى بۇرىن سىبايلاس جەمقورلىق قىلمىسى بويىنشا ايىپتالعان.
«مىسالى, اققۋلى اۋدانىنىڭ ب.ۋاحاتوۆ اتىنداعى ورتا مەكتەبىنىڭ» كمم ديرەكتورى دۇيسەنوۆ بۇرىن قازاق سسر قك 93-بابى بويىنشا سوتتالعان (جابىرلەنۋشىنىڭ ولىمىنە اكەپ سوققان قاساقانا اۋىر دەنە جاراقاتى). ال ەڭبەك كودەكسىنىڭ 26-بابىندا كامەلەتكە تولماعاندارعا ءبىلىم بەرۋ, تاربيەلەۋ مەكەمەلەرىنە سوتتىلىعى بار نەمەسە بولعان, قىلمىستىق قۇقىق بۇزۋشىلىق ءۇشىن جاۋاپقا تارتىلعاندارى جۇمىسقا الۋعا رۇقسات بەرمەيدى», دەدى ارداق بالعوجين.
ۆەدومستۆو وكىلىنىڭ ايتۋىنشا, اتالعان وقيعالار 1990-2000 جىلدارى بولعان, بىراق ول تۋرالى مالىمەت ەندى, ورىنباسارلىقتان ديرەكتور لاۋازىمىنا اۋىسۋ كەزىندە, بەلگىلى بولدى, دەپ جازادى Pavlodaenews.kz.
