ايماقتار • 11 تامىز، 2021

الماتىدا ماسكا رەجىمىنە باقىلاۋ كۇشەيتىلدى

الماتىدا ەپيدەميولوگيالىق جاعداي ۋشىعىپ تۇر. وتكەن تاۋلىكتە مەگاپوليستە كوروناۆيرۋستىق ينفەكتسياعا پتر وڭ ناتيجە بەرگەن 1492 ناۋقاس انىقتالدى، دەپ حابارلايدى Egemen.kz.

ارمان وكتيابر

ەپيدەميولوگتاردىڭ مالىمەتى بويىنشا، قوعامدىق كولىك – ينفەكتسيا جۇقتىراتىن نەگىزگى بەس ورىننىڭىڭ ءبىرى (جۇقتىرۋ 16،8%) بولىپ وتىر.

سوندىقتان الماتى قالاسى اۋدان اكىمدىكتەرى جانىنان قۇرىلعان مونيتورينگ توپتارى ماسكا رەجىمىنىڭ ساقتالۋىن باقىلاۋ بويىنشا جۇمىس جۇرگىزۋدە.

اكىمدىكتىڭ، جەرگىلىكتى پوليتسيا قىزمەتىنىڭ جانە «باقىلاۋ-تەكسەرۋ باسقارماسى» جەلىلىك قىزمەتىنىڭ قىزمەتكەرلەرىنەن قۇرالعان مونيتورينگ توپتارىنىڭ وكىلدەرى قوعامدىق كولىكتە ماسكا رەجىمىن تەكسەرۋ بويىنشا ءىس-شارالار جۇرگىزۋدە.

ماسەلەن،تاۋلىك ىشىندە 112-دەن استام اۆتوبۋس پەن تروللەيبۋس تەكسەرىلگەن. ماسكا رەجىمىن بۇزعان 22 جەكە تۇلعاعا ايىپپۇل سالىنعان بولسا، بارلىق جولاۋشىلار قر اقبتك 1-ءبولىمىنىڭ 425-بابى بويىنشا اكىمشىلىك جاۋاپكەرشىلىككە تارتىلدى.

كوروناۆيرۋستىق ينفەكتسيانىڭ الدىن الۋ ءۇشىن الماتى تۇرعىندارىن حالىق كوپ جينالاتىن جەرلەردە، قوعامدىق كولىكتە قاۋىپسىزدىك شارالارىن، ماسكا رەجىمىن ساقتاۋعا شاقىرادى.

قوعامدىق كولىكتەن باسقا، مونيتورينگتىك توپتاردىڭ وكىلدەرى قوعامدىق تاماقتانۋ، دۇكەندەر مەن باسقا دا ادامدار كوپ جينالاتىن نىسانداردى تەكسەرۋدى جالعاستىرۋدا. ءموبيلدى توپتاردىڭ مالىمەتى بويىنشا جىل باسىنان بەرى 1150-دەن استام مەيرامحانالار، كافەلەر مەن دۇكەندەردە، 171 كومپيۋتەرلىك كلۋبتاردا، 21 بيليارد كلۋبىندا، 5 سپا-سالونىندا، 31 ساۋنادا، 2 كاليان زالىندا، 54 كاراوكەدە كارانتيندىك شارالاردىڭ بۇزىلۋى انىقتالدى. 40 لوتو كلۋبى، 25 كوتتەدج، وندا توي جانە باسقا دا وبەكتىلەر ورنالاستىرىلعان. بەلگىلەنگەن شەكتەۋلەردى بۇزعان 3300-دەن استام ادام تەرگەۋ ءۇشىن پوليتسياعا جەتكىزىلدى.

ماسكانى قالاي تاعۋ قاجەت؟

ماسكالار تۇرلىشە بولۋى مۇمكىن. ولاردى ءبىر رەت نەمەسە بىرنەشە رەت قولدانىۋعا بولادى. 2، 4، 6 ساعات تاعۋعا ارنالعان ماسكالار بار، ۇنەمى ءبىر ماسكانى تاعۋ جارامسىز، سەبەبى بۇل ينفەكتسيا قاۋپىن ارتتىرادى.

جۇقتىرۋدى بولدىرماۋ ءۇشىن ماسكانى دۇرىس تاعۋ وتە ماڭىزدى:

- ماسكانىڭ دۇرىس تاعىلۋى، اۋىز بەن مۇرىندى مىقتاپ جاۋىپ، بوس ورىن قالدىرماۋى ءتيىس;

- ماسكانى شەشكەن كەزدە قولدى بەتكە تيگىزبەگەن ءجون، قولىڭىزدى سابىنمەن نەمەسە سپيرتپەن جاقسىلاپ جۋىڭىز;

- ماسكا دىمقىلدانسا جاڭاسىن اۋىستىرۋ كەرەك;

- ءبىر رەتتىك ماسكانى قايتا قولدانباڭىز;

- قولدانىلعان ءبىر رەتتىك ماسكانى دەرەۋ تاستاۋ كەرەك.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز