تاريح • 11 تامىز، 2021

كونە بۇيىم – كوزايىم

137 رەت كورسەتىلدى

يسپاندىقتار اركىم جارمەڭكەنى ءوزىنىڭ تاپقان زاتىنا قاراپ باعالايدى دەسەدى. ءجون ءسوز! ءبىزدىڭ تاريح بازارىنان تاپقان قازىنامىز ساناۋلى بولسا دا، سالماعى اۋىر. سوندىقتان كوسىلە سويلەۋگە بولادى. اقىن قادىر مىرزا ءالى ايتپاقشى: ء«بىزدىڭ تاريح بۇل دا ءبىر قالىڭ تاريح، وقۋلىعى جۇپ-جۇقا بىراقتاعى». سول پاراعى جۇقا وقۋلىقتا بابالار اماناتىن ارقالاعان قۇندىلىق بار. جەردەن تابىلعان ەسكى بۇيىمنىڭ ەستەلىگى – ەل رۋحانياتىنىڭ ازىعى. ماسەلەن، عۇرىپتىق شامدالدى الىپ قاراڭىزشى!

عۇرىپتىق شامدال ج.س.د. ءى مىڭجىلدىققا جاتادى. 1979 جىلى الماتىنىڭ وڭ­تۇستىك وڭىرىندەگى كىشى ال­ماتى وزەنىنىڭ سول جاعا­لا­ۋىنداعى «اشىق اسپان اس­تىنداعى عيباداتحانادان» تابىلعان.

دوڭگەلەك تاباقشا ور­نەكتەلگەن كونۋس ءتارىزدى تۇ­عىردان تۇرادى. ونىڭ باس­تى ماعىناسى – تاباق رەتىندە قىزمەت اتقارۋىندا. ونىڭ شەتىندە زەبۋلەردىڭ مۇسىندىك فيگۋرالارى ورنالاسقان. مۇن­دا سيىرلاردىڭ (بۇقا­لار­دىڭ) تۇمسىعى ءسال سىرتقا بۇ­­رىلىپ، تومەن جانە سول جاق­قا قاراتىلعان.

سالت اتتىلاردىڭ ەكى ءمۇ­سىنى ىدىستىڭ بەتكى بولى­گىن­دە ورنالاسقان جانە تەك بى­رەۋى عانا ساقتالعان. ولار ءبىر-بىرىنە قاراما-قارسى جاق­تا كەرى بۇرىلىپ تۇر. سالت ات­تىلاردىڭ قولىندا م ءتا­رىزدى كەرىلگەن ساداقتار بار. جالپى العاندا، بارلىق كوم­پو­زيتسيا ءماندى مانەرگە تو­لى، سونىمەن قاتار جا­يىل­عان جانۋارلاردىڭ قاتىپ قا­لعان بەينەسى ارقىلى ىج­دا­عات­تىلىقپەن كۇتۋ ءساتىن كورسەتەدى.

بۇل ساحنا نەنى مەڭزەيدى؟ البەتتە، الەمنىڭ بارلىق جا­عىن قورعايتىن سالت اتتى (دۇرىسى، قوس سالت اتتى) – الەم­دىك تاۋدىڭ شىڭى بولعان ميترا كۇن قۇدايىنىڭ بەي­نەسى. ميترا – ەڭ كەڭ مۇم­كىن­دىكتەرگە يە، بۇل جاعدايدا جايىلىمداردىڭ يەسى، جەردىڭ جوعارعى قورعاۋشىسى، عارىش ءتارتىبىن قورعاۋشى رولىندە بولا الادى.

الايدا سيۋجەت باسقا دا تۇسىنىكتەر بەرۋى مۇمكىن. شام­­دا ميترا قۇدايى بەينەلەنگەن. ول جىندارمەن ناي­زاعايدىڭ كومەگىمەن شاي­قاسىپ، جەبەمەن قارا بۇلت­تاردى جارىپ، جىندارمەن جانە قاراڭعىلىقپەن وشى­رىلگەن ءومىر شامشىراعىن جاعۋدا. سونداي-اق اسپان ساۋ­­لەسىنە جەرگە ءنار بەرەتىن جاڭ­­­بىرلى بۇلتتاردى بەي­نە­لەيتىن سيىر تابىنىن ورىس­كە شىعارۋدا. وسىلايشا قىس پەن تۇنەك كەرى شەگىنىپ، كوكتەم كەلەدى. ال جارىق سيىر­لاردىڭ بەينەسىندە كور­سە­تىلگەن. ۇلتتىق مۋزەي­دە ور­نالاسقان ۇلتتىق بۇيىمنىڭ سىرت­قى سيپاتى مەن ىشكى استارى وسىنداي.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار