«رەۆاكتسيناتسيا جوسپاردا بار. قازىر تاسىلدەرىن قاراستىرىپ جاتىرمىز. ول ەكى ءتۇرلى بولادى. شۇعىل رەۆاكتسيناتسيا بار, ول جالپى ۇجىمدىق يممۋنيتەت قالىپتاستىرۋعا دەيىن سالىنادى. ال جوسپارلى رەۆاكتسيناتسيا جىلىنا ءبىر رەت جاسالادى. ءبىز قازىر ساراپتاپ جاتىرمىز, سەبەبى قازاقستان ۆاكتسيناتسيانى سالىستىرمالى تۇردە جايىراق, اقپان ايىنان باستادى. كوپشىلىك ماۋسىم-شىلدە ايلارىندا ەكپە الدى. ءبىزدىڭ انتيدەنەلەر ءالى دە جاڭا, دەڭگەيى جوعارى. سوندىقتان ەكىنشى دوزانى العاننان كەيىن شامامەن 9 اي وتكەن سوڭ, كۇنتىزبەگە قوساتىن شىعارمىز», دەدى تسوي Coronavirus2020.kz تەلەگرام ارناسىندا جاريالانعان ۆيدەودا.
مينيستر مۇنى ارىپتەستەرىمەن تالقىلاپ جاتقانىن, كەيىن ددسۇ-مەن كەڭەسەتىنىن مالىمدەدى. تسويدىڭ ايتۋىنشا, رەۆاكتسيناتسيا تۋرالى ايتا باستاعان اقش, يزرايل جانە رەسەي سىندى ەلدەر ۆاكتسينا الۋدى وتكەن جىلى باستاعان.
«ولاردىڭ العاشقى ۆاكتسينانى العانىنا 9 ايدان استى. قازاقستاندا رەۆاكتسيناتسيا قازان ايىنا وزەكتى بولادى, سەبەبى ءبىزدىڭ ازاماتتار العاشقى ەكپەنى اقپان ايىنىڭ باسىندا العان», دەپ قوستى مينيستر.
