قازاقستان حالقى اسسامبلەياسى قوعامدىق مەدياتورلار ينستيتۋتىن قالىپتاستىرۋ جانە دامىتۋ بويىنشا جۇيەلى جۇمىس جۇرگىزۋدە جانە 5 جىل ىشىندە بەلگىلى ءبىر وڭ ناتيجەلەرگە قول جەتكىزىلدى. ايتا كەتەيىك, رەسپۋبليكادا 20 مەدياتسيا كەڭەسى قۇرىلعان. تەك رەسپۋبليكالىق مەدياتسيا كەڭەسى ءوزارا ىنتىماقتاستىق تۋرالى 20-دان استام (ونىڭ ىشىندە قر جوعارعى سوتىمەن, قر سۋديالار وداعىمەن, رەسەي فەدەراتسياسىنىڭ «فەدەرالدىق مەدياتسيا ينستيتۋتىمەن», رەسەي فەدەراتسياسىنىڭ ۇلتتىق مەدياتورلار ۇيىمىمەن, قر ۇلتتىق دەنساۋلىق ساقتاۋ پالاتاسىمەن, «اتامەكەن» ۇكپ-مەن, رەسپۋبليكالىق ادۆوكاتتار القاسىمەن, رەسپۋبليكالىق نوتارياتتىق پالاتامەن, قر ادام قۇقىقتارى جونىندەگى ۋاكىلمەن جانە «تۇران-استانا» ۋنيۆەرسيتەتىمەن) مەموراندۋمعا قول قويدى.
ەستەرىڭىزگە سالا كەتەيىك, 2016 جىلى قازاقستان حالقى اسسامبلەياسىنىڭ قولداۋىمەن بارلىق وڭىرلەردە مەدياتسيا كابينەتتەرى اشىلىپ, «قوعامدىق كەلىسىم» كمم شتاتىنا مەدياتسيا ماسەلەلەرى بويىنشا ۇيلەستىرۋشىلەر قابىلداندى.
بۇگىندە «قوعامدىق كەلىسىم» كمم جانە دوستىق ۇيلەرىندە 17 مەدياتسيا كابينەتى جۇمىس ىستەيدى, ولار حالىقپەن جۇمىس ىستەۋ ءۇشىن 346 ديالوگتىق الاڭ جۇمىسىن ۇيىمداستىردى, ياعني قوعام ءومىرىنىڭ بارلىق اسپەكتىلەرىن دەرلىك قامتىدى. قحا تىزىلىمىندە 2152 مەدياتور بار, ونىڭ ىشىندە, 2050 كاسىبي ەمەس مەدياتور, 102 كاسىبي مەدياتور.
قازىرگى تاڭدا 311 000 ادامدى قامتي وتىرىپ, 16 مىڭنان استام ءىس-شارا وتكىزىلدى, 27 مىڭنان استام ازامات مەدياتسيا ادىستەرىن قولدانۋ داعدىلارىنا وقىتىلدى. وتكىزىلەتىن ءىس-شارالار بۇكىل ەل بويىنشا مەدياتسيا ينستيتۋتىن تانىمال ەتۋگە باعىتتالعان.
«ەگەمەن-اقپارات»
