«ادام ۆاكتسيناتسيادان كەيىن نەلىكتەن اۋىرادى؟ ونىڭ ءبارى ەپيدەميولوگيالىق ءتارتىپتى ساقتاماۋدىڭ سالدارى. ياعني ادام كوپ جينالاتىن ورىنداردا بەتپەردە تاقپايدى, تاققان جاعدايدا مۇرنىن اشىق قالدىرۋى, يەگىنە دەيىن عانا تاعۋى مۇمكىن, قول گيگيەناسى مەن الەۋمەتتىك قاشىقتىق ساقتالمايدى. ۆاكتسينا العان ادامدا يممۋنيتەت دامۋى ءۇشىن ەكىنشى ەكپەدەن كەيىن كەمىندە 60 كۇن ءتيىستى رەجيمدى ساقتاۋ قاجەت», دەپ اتاپ ءوتتى اسەمگۇل ەسماعامبەتوۆا.
ونىڭ ايتۋىنشا, ەگەر ادام COVID-19-بەن اۋىرسا, جازىلعاننان كەيىن ءۇش ايدان سوڭ ۆاكتسينا العانى دۇرىس.
«وكىنىشكە قاراي, قازىر كۆي-ءدى قايتا جۇقتىرعاندار بار. ەگەر ادام اۋىرماسا, سول سياقتى انتيدەنەلەرى بولسا دا ۆاكتسينا الۋى كەرەك. ويتكەنى, قازىر ۆيرۋستىڭ جاڭا ءتۇرى – دەلتا شتامى تارالىپ جاتىر, ناۋقاستار قاتارى كۇن ساناپ ارتۋدا», دەپ ءتۇسىندىردى دارىگەر.
سونداي-اق سپيكەر ەكپە پۋنكتەرىندە ۆاكتسينا قانداي جاعدايدا ساقتالاتىنىن ءتۇسىندىرىپ ءوتتى.
«سپۋتنيك V» ۆاكتسيناسى -18 گرادۋستا جانە ودان دا تومەن تەمپەراتۋرادا ساقتالادى. مۇزداتقىشتارعا -23 گرادۋس تەمپەراتۋراسى قويىلعان. ال قالعان ۆاكتسينالاردى +2+8 گرادۋس تەمپەراتۋرادا ساقتاۋعا بولادى. تەمپەراتۋرالىق كۇنىنە ەكى رەت باقىلانادى جانە دەرەكتەر جۋرنالىنا جازىلادى», دەدى دارىگەر.
دارىگەردىڭ ايتۋىنشا, ادامزاتتى كوروناۆيرۋستان قورعاۋدىڭ جولى از – ۆاكتسيناتسيا جانە ەپيدەميولوگيالىق شارالاردى ساقتاۋ.
سونداي-اق ەسماعامبەتوۆا ەكى ءتۇرلى ۆاكتسينا الۋعا كەڭەس بەرمەيتىنىن مالىمدەدى.
«ددسۇ اتاپ وتكەندەي, الەمدە ءتۇرلى وندىرۋشىلەردىڭ ۆاكتسيناسىن ارالاستىرۋدىڭ تيىمدىلىگى مەن قاۋىپسىزدىگى تۋرالى ناقتى مالىمەت جوق. ءبىرىنشى جانە ەكىنشى كومپونەنتتى ەكى ءتۇرلى ۆاكتسينادان الۋ تۇسىنىكسىز جايتقا اپارۋى مۇمكىن. ونى ارالاستىرۋدىڭ تيىمدىلىگى تۋرالى ناقتى مالىمەت جوق. سوندىقتان ددسۇ حالىقتى يممۋنداۋ ءۇشىن پرەپاراتتاردى بىرىكتىرۋدىڭ قاۋىپسىزدىگى مەن ورىندىلىعى تۋرالى جەتكىلىكتى اقپارات بولمايىنشا, ۆاكتسينانىڭ ءبىر ءتۇرىن الۋدى كەڭەس ەتەدى.
مەن دە ۆاكتسينالاردى ارالاستىرۋدىڭ قاجەتى جوق, ادىستەمەلىك ۇسىنىمدارعا سايكەس ءبىر ءتۇرىن العان دۇرىس دەپ ەسەپتەيمىن. سەبەبى ولاردىڭ قۇرامى ءار ءتۇرلى», دەدى اسەمگۇل ەسماعامبەتوۆا.
