اۆياكومپانيانىڭ ءباسپاسوز قىزمەتى تۇسىندىرگەندەي, سالماق ولشەۋ پروتسەسسى ەرىكتى تۇردە جۇزەگە اسىرىلادى. اتالعان ءراسىم ۇشۋ قاۋىپسىزدىگىن ارتتىرۋ ماقساتىندا عانا جۇرگىزىلىپ, اۆيابيلەتتەردىڭ قۇنىنا اسەر ەتپەيدى.
«جولاۋشىلاردى ۇشۋ الدىندا ولشەۋ اۋە كەمەسىنىڭ تەڭگەرىمىن بەلگىلەۋ ءۇشىن ستاتيستيكالىق دەرەكتەردى جيناۋ ماقساتىندا حالىقارالىق اۋە كولىگى قاۋىمداستىعىنىڭ (IATA) قاعيدالارىنا سايكەس جۇرگىزىلەدى. بۇل پروتسەدۋرانى قاۋىمداستىق مۇشەلەرى - اۆياكومپانيالار بەس جىلدا ءبىر رەت جۇرگىزەدى», دەپ اتاپ ءوتتى اۆياكومپانيا.
تارازى ۇستىنە تۇرۋعا نيەت بىلدىرۋشىلەردى باقىلاۋ رەيسكە تىركەلگەننەن كەيىن جولاۋشىنىڭ جىنىسى بويىنشا بولە وتىرىپ, ارنايى بولمەدە جۇرگىزىلەدى. سونداي-اق, سالماق ولشەۋ راسىمىنەن وتكەن جولاۋشىلار جۇلدەلى لوتەرەياعا قاتىسۋ مۇمكىندىگىنە يە بولادى.
