پاكدەميرلي مۋگلا پروۆينتسياسىندا وتكەن بريفينگتە مۋگلاداعى جاعداي جاقسارىپ كەلە جاتقانىن مالىمدەدى.
ونىڭ ايتۋىنشا, مۋگلادا 16 ورمان ءورتى بولدى. ونى ءسوندىرۋ ءۇشىن التى ۇشاق, 39 تىكۇشاق, 630 جاڭبىرلاتقىش, 128 ەكسكاۆاتور جانە 3600 مامانداندىرىلعان قىزمەت تارتىلدى.
مينيستر تابيعي اپات سالدارىنان ورتەنىپ كەتكەن اۋماقتار باسقا ماقساتتا پايدالانۋعا بەرىلمەيتىنىن جانە قالپىنا كەلتىرىلەتىنىن اتاپ ءوتتى.
سونداي-اق, پاكدەميرلي تۇركيانىڭ قازىرگى ۋاقىتتا ورمان ءورتى ءورشىپ تۇرعان گرەكياعا كومەكتەسۋگە دايىن ەكەنىن ايتتى. ءمينيستردىڭ ايتۋىنشا, تۇركيا بيلىگى كورشى ەلگە ءورت ءسوندىرۋ ۇشاقتارىن جىبەرۋدى قاراستىرىپ جاتىر.
ء«بىرىنشى جاعدايدى ساراپتايمىز. تۇركياداعى ورمان ءورتىن جويعان سوڭ, مۇمكىندىك بولسا, گرەتسياعا كومەك كورسەتەمىز», دەدى ول.
