بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى.
«جول-كولىك وقيعالارىنىڭ ءوسۋى جازعى دەمالىستارعا بايلانىستى بولىپ وتىر. بۇل رەتتە كامەلەتكە تولماعان بالالاردىڭ جول اپاتىنا ءتۇسۋ سەبەپتەرىنىڭ باستىسى – جولدا ەرەسەكتەردىڭ بالاعا نەمقۇرايلى قاراۋى بولىپ وتىر», دەلىنگەن حابارلامادا
سونداي-اق, كوپتەگەن جۇرگىزۋشىلەر «ارنايى بالالار ورىندىعى نەمەسە باسقا قۇرالدار بولماعان كەزدە 12 جاسقا دەيىنگى بالالاردى تاسىمالداۋعا تىيىم سالۋدى» كوزدەيتىن جول ەرەجەلەرىن ساقتامايدى.
«تاعى ءبىر جاعداي, جازدىڭ باستالۋىمەن جاس ۆەلوسيپەدشىلەر (سكۋتەر, روليك يەلەرى) ساقتىقتى ۇمىتىپ, جازاتايىم وقيعاعا ءجيى دۋشار بولىپ جاتادى», دەلىنگەن حابارلامادا.
پوليتسيا قىزمەتكەرلەرى جۇيەلى تۇردە اتا-انالارمەن جانە بالالارمەن پروفيلاكتيكالىق اڭگىمەلەر جۇرگىزىپ, جادىنامالار تاراتۋدى قولعا العان.
اقتوبە وبلىسىنىڭ پوليتسيا دەپارتامەنتى بالانى جول ەرەجەسىن ساقتاۋعا ۇيرەتۋدى ۇسىنادى. سونداي-اق ۆەلوسيپەدپەن جانە موتوروللەرمەن سىرعاناۋ كەزىندە بالانىڭ كيىمىندە شاعىلىساتىن ەلەمەنتتەر بولۋى كەرەك ەكەنىن ەسكە سالادى.
