قازاقستان • 06 تامىز، 2021

ۆاكتسينا پاسپورتىن قولدان جاساعان 20 مەديتسينا قىزمەتكەرى ۇستالدى

4175 رەت كورسەتىلدى

قازاقستاندا 6 دارىگەر جالعان ۆاكتسينا پاسپورتىن ساتقانى ءۇشىن جاۋاپكەرشىلىككە تارتىلدى، دەپ حابارلايدى Egemen.kz Polisia.kz سايتىنا سىلتەمە جاساپ.

بۇل جايىندا ىشكى ىستەر مينيسترلىگىندە وتكەن جۇمىس كەڭەسىندە ايتىلدى.

قازاقستاندا جالعان ۆاكتسينا پاسپورتىن جانە پتر تەست ساتۋدىڭ 110 فاكتىسى تىركەلگەن. پتر انىقتامانى قولدان جاساعانى جانە جالعان ۆاكتسيناتسيا پاسپورتىن جاساعانى ءۇشىن 28 ادام اشكەرەلەندى، ونىڭ ىشىندە مەديتسينا قىزمەتكەرلەرى – 20 (التى دارىگەر، 14 مەديتسينا قىزمەتكەرى)، دەلدالدار – 8.

سونداي-اق الەۋمەتتىك جەلىلەرگە مونيتورينگ جۇرگىزۋ كەزىندە جالعان ۆاكتسيناتسيا پاسپورتىن جانە پتر انىقتاما ساتۋ تۋرالى 70 حابارلاندىرۋ انىقتالدى، ونىڭ 37-ءسى بۇعاتتالدى.

وسى ساناتتاعى ىستەر بويىنشا تەرگەۋ-سوت پراكتيكاسى قالىپتاستى، زاڭدى كۇشىنە ەنگەن سوت اكتىلەرى بار. ءتورت قىلمىستىق ءىس بويىنشا ايىپتاۋ ۇكىمى شىقتى. 43 قىلمىستىق ءىس بويىنشا تەرگەۋ ارەكەتتەرى جانە ساراپتامالىق زەرتتەۋلەر ءجۇرىپ جاتىر. ولار اياقتالعاننان كەيىن كۇدىكتىلەردىڭ ءىس-ارەكەتىن قۇقىقتىق باعالاي وتىرىپ، شەشىم قابىلدانادى. وسىعان ۇقساس بارلىق قىلمىستىق ىستەردىڭ تەرگەلۋى باقىلاۋدا.

كەڭەس بارىسىندا ىشكى ىستەر مينيسترلىگى باسقا مەملەكەتتىك ورگاندارعا ۇسىنىستار بەردى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار