راسىمگە اسكەريلەر مەن ۇلتتىڭ رەسمي وكىلدەرى, سونىمەن قاتار 115 ەلدەن كەلگەن قايراتكەرلەر مەن قوناقتار قاتىستى.
ۇلىقتاۋ ءراسىمى الدىندا 115 ەل مەن حالىقارالىق ۇيىمداردىڭ دەلەگاتسيالارى يران يسلام رەسپۋبليكاسىنىڭ جاڭا پرەزيدەنتى ەبراحيم رايسيمەن باحارەستانداعى پارلامەنتتە اشىق اۋادا سۋرەتكە ءتۇستى.
پارلامەنت سپيكەرى موحامماد باگەر گاليباف بارلىق يراندىق جانە شەتەلدىك قوناقتار الدىندا قىسقا ءسوز سويلەدى.
پارلامەنت سپيكەرىنىڭ قۇتتىقتاۋىنان سوڭ پرەزيدەنت ەبراحيم رايسي سوت بيلىگىنىڭ باسشىسى مەن شاراعا قاتىسقان شەنەۋنىكتەردىڭ الدىندا انت بەردى. پرەزيدەنت يسلام رەسپۋبليكاسىنىڭ كونستيتۋتسياسى مەن رەجيمىنىڭ قامقورشىسى بولۋعا انت بەردى جانە حالىقتىڭ پروبلەمالارىن شەشۋگە بار كۇش-جىگەرىن جۇمسايتىندىعىن ءبىلدىردى.
