TOKYO2020 • 05 تامىز، 2021

وليمپيادانىڭ التىن مەدالىن تىستەگەن جاپونيا مەرى سىنعا ۇشىرادى

22 رەت كورسەتىلدى

سوفتبولدان جاپوندىق كوماندانىڭ جەڭىپ العان التىن مەدالىن تىستەگەن ورتالىق جاپونيا مەرىنىڭ ارەكەتى سىنعا ۇشىرادى، دەپ حابارلايدى Egemen.kz كyodo اگەنتتىگىنە سىلتەمە جاساپ.

ناگويا قالاسىنىڭ مەرى تاكاشي كاۆامۋرانىڭ بۇل قىلىعى سارسەنبى كۇنى قالانىڭ 20 جاستاعى تۋماسى ميۋ گوتونىڭ توكيوداعى وليمپيادا ويىندارىندا قۇراما شتاتتار كومانداسىن جەڭگەن سوڭ مۋنيتسيپالدىق بيلىككە كەلگەنىندە ورىن العان.

گوتو مەدالدى كاۆامۋرانىڭ موينىنا ىلگەنىندە، ول اۋەلى ونى ۇستاپ تۇرىپ، «اۋىر ەكەن» دەگەن سوڭ، كەنەتتەن ودان سۇراماي مەدالدى تىستەپ كوردى. تۆيتتەردە كوپ ادام بۇل ارەكەتتىڭ جاپونيادا «كوروناۆيرۋس وقيعالارىنىڭ كوبەيۋى كەزىندە جاۋاپسىزدىق» تانىتىپ وتىرعانىن ايتتى.

گوتو ويناپ جۇرگەن كلۋب كومانداسىنا يەلىك ەتىپ وتىرعان Toyota Motor كورپوراتسياسى كاۆامۋراعا قاتىستى سىن ايتىپ، «بۇل – قۇرمەتكە تۇرمايتىن ءارى لايىقسىز ارەكەت»، دەپ جازدى.

ء«بىز مەردىڭ ءوزىن ءتيىستى تۇردە، كوشباسشى سياقتى ۇستاناتىنىنا سەنگىمىز كەلەدى»، دەپ مالىمدەدى كومپانيانىىڭ ناگوياعا جاقىن ورنالاسقان بولىمشەسىنەن.

سارسەنبى كۇنى كاۆامۋرا ءوزىنىڭ ارەكەتى ءۇشىن كەشىرىم سۇرادى.

«بۇل مەنىڭ قۇشتارلىعىمنىڭ كورىنىسى ەدى. قانداي دا ءبىر ماسەلە تۋىنداتقانىما وكىنىش بىلدىرەمىن»، دەدى ول ءوز مالىمدەمەسىندە.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار