ايماقتار • 05 تامىز، 2021

الماتىدا كەمىرگىشتەر كوبەيىپ كەتكەن

39 رەت كورسەتىلدى

الماتىلىقتار قالادا ەگەۋقۇيرىق كوبەيىپ كەتكەنىنە شاعىمداندى. كۋاگەرلەردىڭ ايتۋىنشا، قالانىڭ بىرنەشە بولىگىندە كەمىرگىشتەر كوبەيىپ كەتكەن، دەپ حابارلايدى Egemen.kz.

كris.p.almaty.official الەۋمەتتىك جەلى اۆتورلارى مەدەۋ اۋدانىنداعى مامەتوۆا مەن ءۋاليحانوۆ كوشەلەرىنىڭ قيىلىسىندا، سونداي-اق جەتىسۋ-1 ىقشاماۋدانىنداعى ارىقتاردا ەگەۋقۇيرىقتار جۇرگەنىن تۇسىرگەن بىرنەشە ۆيدەو جاريالادى. باسىلىم اۆتورلارىنىڭ ايتۋىنشا، ەگەۋقۇيرىقتار قالانىڭ ءبىراز جەرىندە ءجۇر.

كەمىرگىشتەرمەن كۇرەسكە جاۋاپتى الماتى قالاسىنىڭ ەنەرگوتيىمدىلىك جانە ينفراقۇرىلىمدىق دامۋ باسقارماسى مەردىگەر Amanat Cleaning جشس دەراتيزاتسيا جۇمىستارىنىڭ ءبىرىنشى بولىگىن اياقتاعانىن حابارلادى. قالا بويىنشا ەگەۋقۇيرىقتارعا قارسى وڭدەۋدىڭ ەكىنشى كەزەڭى قىركۇيەكتە باستالىپ، بيىل 30 قاراشاعا دەيىن جالعاسادى.

سونىمەن قاتار، باسقارما تۇرعىنداردىڭ ەگەۋقۇيرىقتى جويۋعا بايلانىستى جەكە وتىنىشتەرىن Open Almaty پورتالىندا نەمەسە باسقارمانىڭ الەۋمەتتىك جەلىلەردەگى جەكە پاراقشالارىندا قارايدى. مۇنداي وتىنىمدەر بويىنشا ءموبيلدى بريگادالار تاعايىندالعان.

باسقارما جەتىسۋ-1 شاعىن اۋدانى مەن مامەتوۆا مەن ءۋاليحانوۆ كوشەلەرىنىڭ قيىلىسىنداعى شاعىمدار تۋرالى بىلەتىندەرىن مالىمدەدى. مەردىگەرلەرگە بۇل اۋماقتاردى 12 تامىزعا دەيىن قاراۋ تاپسىرىلدى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار