باسىلىم اتاپ وتكەندەي, مۇنداي جارنامالارى بار بەتتەر الەۋمەتتىك جەلىلەردە ءجيى كەزدەسەدى.
پايدالانۋشىلارعا 50 مىڭ تەڭگە مولشەرىندە الەۋمەتتىك جاردەماقى تولەۋگە «100 پايىزعا كەپىلدىك بەرىلەدى». فەيك-پاراقشانى Telegram-bot جۇرگىزەدى, وندا ءوتىنىش بەرۋشىدەن 3 120 تەڭگەنى بانكتەگى كارتوچكالىق شوتقا اۋدارۋ سۇرالادى. بۇل قىزمەتكە اقى تولەۋ دەپ اتالادى.
ەڭبەك جانە حالىقتى الەۋمەتتىك قورعاۋ مينيسترلىگى جاردەماقى تولەمدەرى تۋرالى اقپاراتتى جوققا شىعاردى.
«مەسسەندجەرلەر مەن الەۋمەتتىك جەلىلەردە تاراتىلاتىن 50 مىڭ تەڭگە مولشەرىندە الەۋمەتتىك كومەك تاعايىنداۋ جونىندەگى قىزمەتتەر ءۇشىن 3 120 تەڭگەلىك تولەمدى جۇزەگە اسىرۋ قاجەتتىگى تۋرالى اقپارات شىندىققا جاناسپايدى. قر ەڭبەك جانە حالىقتى الەۋمەتتىك قورعاۋ مينيسترلىگى قازاقستاندا قانداي دا ءبىر تولەمدەردى مىندەتتى تۇردە اۋدارۋعا «بايلانىستىرىلعان» جاردەماقىلار مەن الەۋمەتتىك تولەمدەر جوق ەكەنىن حابارلايدى», دەلىنگەن مينيسترلىكتىڭ رەسمي حابارلاماسىندا.
