ايماقتار • 05 تامىز، 2021

پوليتسياعا پارا ۇسىنعان جۇرگىزۋشى ۇستالدى

12 رەت كورسەتىلدى

تۇركىستان وبلىسىنىڭ پوليتسەيلەرى ءتارتىپ ساقشىسىنا پارا بەرمەكشى بولعان جۇرگىزۋشىنى ۇستادى، دەپ حابارلايدى Egemen.kz وبلىستىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.

تۇركىستان قپب جپق پپر ينسپەكتورى، پوليتسيا اعا لەيتەنانتى نۇرجان كۇمىسباەۆ تۇركىستان قالاسىنىڭ س.ەرۋباەۆ پەن ش.ايمانوۆ كوشەسىنىڭ بويىندا جول ەرەجەسىن ورەسكەل بۇزىپ، بۇرىلىس جاساۋعا بولمايتىن جەردەن بۇرىلعان TOYOTA ماركالى اۆتوكولىكتى بايقاپ، توقتاتتى. جۇرگىزۋشى توقتاعانىمەن، پوليتسەي سۇراعان اۆتوكولىككە تيەسىلى قۇجاتتارىن بەرۋدەن باس تارتىپ، اقشا بەرمەك بولادى. ياعني، ءوزىنىڭ ارەكەتى ءۇشىن قىلمىستىق جاۋاپكەرشىلىككە تارتىلاتىنىن بىلە تۇرا، ونى بولدىرماۋ ماقساتىندا پاترۋلدىك پوليتسيا باتالونىنىڭ قىزمەتكەرلەرىنە پارا ۇسىنعان.

جۇرگىزۋشىنىڭ ءتارتىپ ساقشىسىنا پارا بەرمەك بولعانى ءۇشىن قر قك 367-بابى 1-بولىگى «پارا بەرۋ» بويىنشا سوتقا دەيىنگى تەرگەۋ امالدارى جۇرگىزىلۋدە. ال، جول ەرەجەسىن بۇزعانى ءۇشىن جۇرگىزۋشىگە قر اقبتك 601-بابىمەن حاتتاما تولتىرىلدى.

تۇركىستان وبلىسىنىڭ پوليتسەيلەرى قىزمەتتىك مىندەتتەرىن اتقارۋ كەزىندە لاۋازىمدى تۇلعالارعا پارا بەرگەنى ءۇشىن قىلمىستىق جاۋاپكەرشىلىك قاراستىرىلعانىن ەسكەرتەدى.

سونىمەن قاتار پوليتسيا قىزمەتكەرلەرى جۇرگىزۋشىلەردى جانە باسقا دا جول قوزعالىسىنا قاتىسۋشىلاردى جقە قاتاڭ ساقتاۋعا شاقىرادى: جىلدامدىق رەجيمىن جانە مانەۆر جاساۋ ەرەجەلەرىن بۇزباۋعا، قارسى قوزعالىس جولاعىنا شىقپاۋعا، قاشىقتىقتى ساقتاۋعا جانە ەڭ باستىسى، ماس كۇيدە كولىك باسقارماۋعا كەڭەس بەرەدى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار