تۇران شاعىناۋدانىندا ورنالاسقان №139 مەكتەپ 1200 ورىنعا شاقتالعان. «ارت-قۇرىلىس» مەردىگەر مەكەمەسى مەكتەپ قۇرىلىسىن 2019 جىلدىڭ قاراشا ايىندا باستاعان بولاتىن. قۇرىلىس جۇمىستارى 95 پايىزعا اياقتالدى. قازىرگى ۋاقىتتا كەمشىلىك تۇستارى جوندەلىپ, ىشكى جۇمىستار اتقارىلۋدا.
مەكتەپ جاڭاشا ديزايندا جاسالىپ, قابىرعاسىنا ارنايى بوياۋلار قولدانىلعان. ەرەكشەلىگى – زامان تالابىنا ساي تەحنيكا, جيھازدارمەن جابدىقتالعان. لينگافوندى مۋلتيمەديالىق كابينەتتەر, موديفيكاتسيالانعان حيميا, بيولوگيا جانە فيزيكا سىنىپتارى, ستەم-كابينەتتەر, ارنايى اقپاراتتىق-تەحنولوگيالىق قۇرال-جابدىقتار – بارلىعى سوڭعى زاماناۋي ستاندارتقا ساي جاراقتالعان.
بالالاردىڭ قاۋىپسىزدىگى ءۇشىن ىشكى ىستەر ورگاندارىمەن ورتالىقتاندىرىلعان بەينەكامەرالار قويىلاتىن بولادى. سونىمەن بىرگە, ادام بەينەسىن تانيتىن تۋرنيكەتتەر مەن دابىل باتىرمالارى دا قاراستىرىلعان.
زاماناۋي مەكتەپ وقۋشىلارىن جاڭا وقۋ جىلىندا قابىلداۋعا دايىن.
