«قوستاناي وبلىسى اۋماعىندا سوڭعى 5 كۇن ىشىندە ءۇش بالا كوپقاباتتى ۇيلەردىڭ تەرەزەسىنەن قۇلادى. زارداپ شەككەندەر بالالار 2, 3 جانە 5 جاستا. ولاردىڭ بارلىعى اۋىر حالدە اۋرۋحاناعا جەتكىزىلدى. سوڭعى جاعداي كەشە وبلىس ورتالىعىندا ورىن العان. 2018 جىلى تۋعان بالا بىرنەشە مينۋتقا عانا اكەسىنىڭ نازارىنان تىس قالىپ تەرەزەدەن قۇلاپ كەتكەن», دەپ ءتۇسىندىردى وبلىستىق باسقارمادا.
تەرەزەدەن قۇلاپ كەتۋ سەبەپتەرى تەرەزەلەرى اشىق پاتەردەردە بالانى قاراۋسىز قالدىرۋ, تەرەزەدە قاۋىپسىزدىكتى قامتاماسىز ەتەتىن ارنايى بلوكيراتور, شەكتەۋىش نەمەسە وزگە قورعانىستىڭ بولماۋى, تەرەزە الدىندا ۇستەل, ورىندىق, ديۆاننىڭ بولۋى.
«ۇيدەگى بالالاردىڭ قاۋىپسىزدىگىن الدىن الا ويلاستىرۋ ارقىلى وسنىداي جاعدايدى بولدىرماۋ كەرەك. بلوكيراتور مەن شەكتەۋىشتىڭ باعاسى بىرنەشە مىڭ تەڭگەدەن اسپايدى. تەرەزەلەر جابدىقتالماعان كۇيدە بولسا, بالالاردىڭ ومىرىنە قاۋىپ ءتونۋى مۇمكىن», دەلىنگەن حابارلامادا.
