ايماقتار • 04 تامىز، 2021

قاراعاندىلىق ازاماتتان 650 گرامم ەسىرتكى تاركىلەندى

45 رەت كورسەتىلدى

الماتى پوليتسەيلەرى قاراعاندى تۇرعىنىنان 650 گرامم «سكوروست» ەسىرتكى زاتىن تاركىلەدى، دەپ حابارلايدى Egemen.kz Polisia.kz سايتىنا سىلتەمە جاساپ.

پسيحوتروپتىق زاتتاردى زاڭسىز الۋ، ساقتاۋ جانە ساتۋ بويىنشا قىلمىستىق قۇقىق بۇزۋشىلىق جاسادى دەگەن كۇدىكپەن قاراعاندى ​​وبلىسىنىڭ 39 جاستاعى تۇرعىنى ۇستالدى.

«اۋەزوۆ اۋداندىق پب جپقب ۋچاسكەلىك ينسپەكتورى ب. ەسىمدى ەر ادامدى ۇستاۋ كەزىندە 80 دانا پسيحوتروپتىق زاتتار تاۋىپ، تاركىلەدى. كۇدىكتى ەسىرتكىنى اۋەزوۆ اۋدانىنىڭ اۋماعىنا قالدىرماق بولعان. پوليتسيا قىزمەتكەرلەرى تۇرعىلىقتى جەرى بويىنشا ءتىنتۋ جۇرگىزگەننەن كەيىن پسيحوتروپتىق زات سالىنعان 255 دانا الدىن الا قاپتالعان سومكەلەر مەن پسيحوتروپتىق زاتى بار 166 پوليمەرلى كاپسۋلا مەن ەكى قالتا تارازىسىن تاركىلەدى. بارلىعى 650 گرامم ەسىرتكى زاتى تابىلدى»، دەدى اۋەزوۆ اۋداندىق پب باستىعى ۇلان ءابىلحايىر.

سوت-حيميالىق ساراپتاماسى انىقتاعانداي، تاركىلەنگەن ەسىرتكى پسيحوتروپتى 2-پيرروليدين نەمەسە قاراپايىم تىلمەن ايتقاندا، «سكوروست» دەپ اتالادى. بايانداماشىنىڭ ايتۋىنشا، اسا ءىرى كولەمدەگى ەسىرتكىنى ساقتاۋ م ۇلىكتىڭ تاركىلەنۋى مەن ون جىلدان ون بەس جىلعا دەيىن باس بوستاندىعىنان ايىرۋ تۇرىندەگى جازانى قاراستىرادى.

بۇل دەرەك بويىنشا قر قك-ءنىڭ 297-بابى 3-ءبولىمى 1،3-تارماعىنا سايكەس سوتقا دەيىنگى تەرگەۋ باستالدى. ۇستالعان ادام الماتى قالاسى پد ۋاقىتشا ۇستاۋ يزولياتورىنا قامالدى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • بۇگىن، 22:48

ۇقساس جاڭالىقتار