وبلىستىق سانيتاريالىق-ەپيدەميولوگيالىق باقىلاۋ دەپارتامەنتى ءباسپاسوز قىزمەتىنىڭ اقپاراتىنا قاراعاندا, اتىراۋ قالاسى مەن اۋداندار اكىمدەرىنىڭ وكىمىمەن قۇرىلعان 64 ءموبيلدى توپ بار.
«قازىر ءموبيلدى توپتار كارانتيندىك شەكتەۋ شارالارىنىڭ ساقتالۋىنا مونيتورينگ جۇرگىزىپ كەلەدى. ءموبيلدى توپتار قۇرامىندا پوليتسيانىڭ, «اتامەكەن» ۇكپ وڭىرلىك فيليالى مەن اكىمدىكتەردىڭ وكىلدەرى بار. بيىلعى 1 قاڭتار مەن 29 شىلدە ارالىعىندا 10 976 رەيد وتكىزىلىپ, 44 777 نىسان تەكسەرىلدى. ءموبيلدى توپتاردان قۇقىق بۇزۋشىلىققا قاتىستى 620 ماتەريال ءتۇستى. كارانتين تالابىن ەلەمەگەن شاعىن جانە ورتا بيزنەس نىساندارىنا, جەكە تۇلعالارعا قر قۇقىقبۇزۋشىلىق تۋرالى كودەكسىنىڭ 425-بابىنىڭ 1-بولىگىمەن 423 ايىپپۇل سالىندى», دەپ حابارلادى دەپارتامەنتتىڭ ءباسپاسوز قىزمەتى.
ءموبيلدى توپتار شىلدە ايىندا 910 رەيد جۇرگىزىپ, 3325 نىساندى قامتىدى.
