تاعايىنداۋ • 03 تامىز، 2021

اتىراۋدا ساۋلەت-قۇرىلىس باقىلاۋ باسقارماسىنا جاڭا باسشى كەلدى

445 رەت كورسەتىلدى

اتىراۋ وبلىسىنىڭ اكىمى ماحامبەت دوسمۇحامبەتوۆتىڭ وكىمىمەن وبلىستىق مەملەكەتتىك ساۋلەت-قۇرىلىس باقىلاۋ باسقارماسىنىڭ باسشىسى بولىپ ەرلان قايناتوللا ۇلى قابدينوۆ تاعايىندالدى، دەپ حابارلايدى Egemen.kz

ەرلان قابدينوۆ 1982 جىلى باتىس قازاقستان وبلىسىندا تۋعان. ءبىلىمى جوعارى، 2003 جىلى باتىس قازاقستانداعى «ەۆرازيا» تىلدەر جانە مەنەدجمەنت ينستيتۋتىن ەكونوميست، 2012 جىلى كاسپي مەملەكەتتىك تەحنولوگيا جانە ينجينيرينگ ۋنيۆەرسيتەتىن عيماراتتار مەن قۇرىلىستاردى ەسەپتەۋ جانە جوبالاۋ ماماندىعىن بىتىرگەن.

ەڭبەك جولىن 2000-2003 جىلدارى «General Electric» حالىقارالىق كومپانياسىندا مەنەدجەرءى رەتىندە باستاعان. 2003-2006 جىلدارى استانا قالاسىنداعى «ال-تاگير» جشس ديرەكتورىنىڭ ورىنباسارى، 2006-2009 جىلدارى اتىراۋ جانە اقتاۋ قالالارىنداعى «بك-سترويپروەكت» جشس-ءنىڭ باس ديرەكتورى، 2009-2011 جىلدارى اقتاۋ قالالىق ساۋلەت جانە قالا قۇرىلىسى ءبولىمىنىڭ تەحنيكالىق قىزمەتكەرى، باس ماماننىڭ مىندەتىن اتقارۋشى، سونداي-اق باس مامانى بولعان.

2011-2013 جىلدارى استانا قالالىق كاسىپكەرلىك جانە ونەركاسىپ باسقارماسى كاسىپكەرلىكتى دامىتۋ ءبولىمىنىڭ باس مامانى، كەيىن قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى اگەنتتىگىنىڭ مەملەكەتتىك ساۋلەت-قۇرىلىس باقىلاۋ، قاداعالاۋ، ليتسەنزيالاۋ جانە اتتەستاتتاۋ دەپارتامەنتىندە اتتەستاتتاۋ باسقارماسىنىڭ ساراپشىسى بولعان. 2013-2014 جىلدارى قر وڭىرلىك دامۋ مينيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىندە اتتەستاتتاۋ باسقارماسىنىڭ باس ساراپشىسى، 2014-2016 جىلدارى قر ۇلتتىق ەكونوميكا مينيسترلىگىندە قۇرىلىس، تۇرعىن ءۇي-كوممۋنالدىق شارۋاشىلىق ىستەرءى جانە جەر رەسۋرستارىن باسقارۋ، ليتسەنزيالاۋ جانە اتتەستاتتاۋ باسقارماسىنىڭ باس ساراپشىسى لاۋازىمىن اتقاردى.

2016-2018 جىلدارى قر ۇلتتىق ەكونوميكا مينيسترلىگىءنىڭ قۇرىلىس، تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتىندە ليتسەنزيالاۋ مەن اتتەستاتتاۋدى مونيتورينگىلەۋ جانە باقىلاۋ باسقارماسىنىڭ باس ساراپشىسى، 2018-2019 جىلدارى اتىراۋ قالالىق بءىلىم ءبولىمى باسشىسى ورىنباسارىنىڭ مىندەتىن اتقارۋشى، باسشى ورىنباسارى، وسى تاعايىنداۋعا دەيىن اتىراۋ قالالىق ساۋلەت جانە قالا قۇرىلىسى ءبولىمىنىڭ باسشىسى بولىپ جۇمىس ىستەدى.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار