ءبىلىم • 03 تامىز، 2021

«قازاقستان مۇعالىمىنە» – 1 ملن دوللار

149 رەت كورسەتىلدى

ەلىمىزدىڭ ەڭ ۇزدىك ۇستازىن انىقتاپ، ونى قولداۋ، پەداگوگ مارتەبەسىن كوتەرۋ ماقساتىندا بايقاۋ جاريالاندى. جوبانىڭ جەڭىمپازىنا 1 ملن دوللار تۇراتىن «قازاقستان مۇعالىمى» ۇلتتىق سىيلىعى تاعايىندالادى.

اتالعان جوباعا باستاماشى بولىپ وتىرعان – قوعامدىق ماڭىزدى جوبالاردى دامىتۋ قورى. ال Samruk-Kazyna Trust الەۋمەتتىك جوبالاردى دامىتۋ قورى «سامۇرىق-قازىنا» اق كومپانيالار توبىنىڭ اتىنان باس سەرىكتەس رەتىندە باستاماعا قولداۋ كورسەتپەك.

قوعامدىق ماڭىزى بار باستامالاردى دامىتۋ قورىنىڭ توراعاسى ەرمەك ءماجيتوۆ:

– «الەم مۇعالىمى» جاھاندىق سىيلىعى – 1 ملن دوللارلىق جۇلدە قورى بار نوبەل سىيلىعىنىڭ بالاماسى. 2019 جىلى قوعامدىق ماڭىزى بار باستامالاردى دامىتۋ قورىنىڭ قۇرىلتايشىسى ءاليا نازارباەۆانىڭ باستاماسىمەن جاھاندىق سىيلىقتىڭ ۇيىمداستىرۋشىلارىمەن مەموراندۋمعا قول قويىلدى، ونىڭ اياسىندا «قازاقستان مۇعالىمى» ۇلتتىق جوباسى ۇسىنىلدى. جوبا پەداگوگتەر ەڭبەگىنىڭ بەدەلىن، مارتەبەسىن ارتتىرۋ، سونداي-اق جاھاندىق دەڭگەيگە شىعارۋدى كوزدەيدى. ءبىزدىڭ ۇستازدارىمىز الەمدىك سىيلىقتارعا، دۇنيەجۇزىلىك دەڭگەيدە تانىلۋعا لايىقتى. مۇعالىمدەردەن وتىنىمدەردى قابىلداۋ ءساۋىر ايىنان 15 تامىزعا دەيىن جالعاسادى. ءاربىر مۇعالىم وسى جوباعا ءوز بەتىنشە قاتىسا الادى، ءوز وتىنىمدەرىن مەكتەپ اكىمشىلىگىنىڭ شەشىمىنسىز نەمەسە قاتىسۋىنسىز، ءبولىم نەمەسە ءبىلىم باسقارماسى نەمەسە ءبىلىم مينيسترلىگى تاراپىنان بەرىلگەن ۇسىنىمدارسىز بەرە الادى. ياعني ءار مۇعالىم تەڭ جاعدايدا قاتىسا الادى، – دەدى.

سپيكەر ە.ءماجيتوۆتىڭ مالىمدەۋىنشە، تاۋەلسىز سۋديالار اكادەمياسىنىڭ كومەگىمەن توپ-50 مۇعالىم ىرىكتەلىپ الىنادى، سودان كەيىن 10 فيناليست انىقتالادى، ولار 24 قىركۇيەكتە الماتى قالاسىندا وتەتىن ماراپاتتاۋ راسىمىنە شاقىرىلادى. جەڭىمپازدار مەن 10 فيناليست «الەم مۇعالىمى 2022» جاھاندىق سىيلىعىنىڭ نومينانتى اتانادى.

ازاماتتىق باستامالاردى قولداۋ ورتالىعىنىڭ باس­قارما توراعاسى ليما دياس «قازاقستان مۇعالىمى 2021» ۇلت­تىق سىيلىعى اياسىندا ۇكىمەتتىك ەمەس ۇيىمدارعا 30 شاعىن گرانت (ارقايسىسى 1،2 ملن تەڭگە مولشەرىندە) ۇسىناتىنىن جەتكىزدى.

– ءبىزدىڭ باستى ميسسيامىز – ازاماتتىق قوعامدى دا­مىتۋعا جاردەمدەسۋ. 2016 جىلى قۇرىلعان ساتتەن باس­تاپ ورتالىق ءتۇرلى الەۋمەتتىك باعىتتار بويىنشا 300-دەن اسا گرانتتىق جوبالاردى ىسكە اسىردى، ونىڭ ىشىندە ءبىلىم بەرۋ سالاسىنا قاتىستى الەۋمەتتىك جوبالار دا بار. «قازاقستان مۇعالىمى» ۇلتتىق سىيلىعىن وتكىزۋ شەڭبەرىندە بارلىق مۇددەلى تاراپتارعا ءبىلىم بەرۋ پروتسەستەرى مەن وسكەلەڭ ۇرپاقتى تاربيەلەۋدەگى الەۋمەتتىك ماڭىزى بار پروبلەمالاردى انىقتاۋعا، ونى شەشۋدىڭ جولدارىن پەداگوگتەردىڭ تىكەلەي قاتىسۋىمەن ازىرلەۋگە مۇمكىندىك بەرىلەدى. پەداگوگيكالىق قوعامداستىق پەن ازاماتتىق قوعامنىڭ، ياعني ۇكىمەتتىك ەمەس ۇيىمداردىڭ بىرلەسكەن ءتيىمدى جۇمىسى بولماسا، مۇنداي ماسەلەلەردى تولىققاندى شەشۋ مۇمكىن ەمەس. وسىعان بايلانىستى جاڭا يدەيالار مەن باستامالاردىڭ سەرپىنىن ىلگەرىلەتۋ ماقساتىندا ورتالىق Samruk Kazyna Trust الەۋمەتتىك جوبالاردى دامىتۋ قورى مەن قوعامدىق ماڭىزى بار باستامالاردى دامىتۋ قورىنىڭ قولداۋىمەن ۇكىمەتتىك ەمەس ۇيىمدارعا 30 شاعىن گرانت (ارقايسىسى 1،2 ملن تەڭگە مولشەرىندە) ۇسىنادى، – دەدى ل.دياس.

ورتالىق وكىلىنىڭ ايتۋىنشا، شاعىن گرانتتار جوباعا قاتىسۋشى مۇعالىمدەردىڭ ءبىلىم بەرۋ پروتسەسىن، وقىتۋ جاعدايلارىن جاقسارتۋ جانە ەلدىڭ شالعاي اۋداندارىنداعى اۋىلدىق مەكتەپتەردەگى وقۋشىلاردىڭ ءبىلىمىن جان-جاقتى دامىتۋ جونىندەگى باستامالارىن ىسكە اسىرۋعا باعىتتالادى. شاعىن گرانتتاردى 2021 جىلدىڭ قىركۇيەك-جەلتوقسان ارالىعىندا جۇزەگە اسىرۋ جوسپارلانۋدا. وپەراتور رەتىندە ورتالىق شاعىن گرانتتار بەرۋ ءۇشىن ۇەۇ اراسىندا كونكۋرس وتكىزەدى، سونداي-اق جوباعا قاتىسۋشى پەداگوگتەرمەن بىرلەسىپ گرانتتاردىڭ ىسكە اسىرىلۋىنا مونيتورينگ جۇرگىزەدى. جوبالاردىڭ ىسكە اسىرىلۋ بارىسى ورتالىقتىڭ ينتەرنەت-رەسۋرستارىندا جاريالانىپ، ناتيجەلەرى قورى­تىن­دى ەسەپتىك ءىس-شارادا ۇسىنىلادى.

ءبىلىم جانە عىلىم مينيسترلىگى جانىنداعى مەكتەپكە دەيىنگى جانە ورتا ءبىلىم بەرۋ كوميتەتى توراعاسىنىڭ ورىنباسارى جومارت قارامباەۆ «قازاقستان مۇعالىمى» ۇلتتىق بايقاۋىنىڭ وتكىزىلۋى ۆەدومستۆو تاراپىنان قولداۋعا يە بولىپ وتىرعانىن جەتكىزدى.

– مينيسترلىك كونكۋرستىڭ بارلىق كەزەڭىن ۇيىم­داس­تىرۋعا جانە وتكىزۋگە قولداۋ كورسەتەدى، سونداي-اق كونكۋرستىڭ سالتاناتتى جابىلۋ راسىمىنە ۆەدومستۆو وكىلدەرى قاتىسادى. قازىرگى كەزدە بارلىق ءبىلىم بەرۋ ۇيىمى وسى كونكۋرس تۋرالى پەداگوگتەر اراسىندا ءتۇسىندىرۋ جۇ­مىستارىن جۇرگىزىپ جاتىر، – دەدى ول.

ەسكە سالا كەتەيىك، بايقاۋعا قاتىسۋ ءۇشىن www.teacherprize.kz ساي­تى­نا كىرىپ، ءوتىنىم بەرۋ كەرەك.

سوڭعى جاڭالىقتار

الماتىدا باقىلاۋ كۇشەيتىلدى

كوروناۆيرۋس • بۇگىن، 14:08

اقشا ەمەس، ابىروي قىمبات

بوكس • بۇگىن، 13:04

كۇرشىم وزەنى دە لاستانا باستادى

ەكولوگيا • بۇگىن، 12:38

تىلىكسىز وتا جاسالدى

مەديتسينا • بۇگىن، 12:20

الماتى ماڭىندا جەر سىلكىندى

ايماقتار • بۇگىن، 09:35

كوروناۆيرۋستان 9 ادام قايتىس بولدى

قازاقستان • بۇگىن، 09:28

الماتى وبلىسى «قىزىل» ايماققا ءوتتى

كوروناۆيرۋس • بۇگىن، 09:15

سپورت جاڭالىقتارىنا شولۋ

سپورت • بۇگىن، 09:07

ساراننىڭ ۇزىن ساكىسى

قازاقستان • بۇگىن، 09:05

كوبەلەكتەر كورمەسى

ونەر • بۇگىن، 09:04

قارسىلاستار انىقتالدى

سپورت • بۇگىن، 08:59

ءجاۋدىر انا

تانىم • بۇگىن، 08:56

فيزيكالىق ۋران قورىنا قاتىسادى

ەكونوميكا • بۇگىن، 08:46

543 ملرد تەڭگەنىڭ ءونىمى ءوندىرىلدى

ەكونوميكا • بۇگىن، 08:44

باسقا باسىلىمدارعا شولۋ

الەم • بۇگىن، 08:41

ءۇش جىلدىق بيۋدجەت ماقۇلداندى

ساياسات • بۇگىن، 08:25

ۇلكەن قالادا اداسۋ

رۋحانيات • بۇگىن، 01:10

«قاراگوز» جاسىرعان شىندىق

ونەر • بۇگىن، 00:49

اقىل الىبى

رۋحانيات • كەشە

ۇقساس جاڭالىقتار