ايماقتار • 02 تامىز، 2021

Ashyq «كوشباسشىلارىنىڭ» جاڭا ءتىزىمى جاريالاندى

16 رەت كورسەتىلدى

الماتىدا Ashyq «كوشباسشىلارى» مەن «اۋتسايدەرلەرىنىڭ» جاڭا ءتىزىمى جاريالاندى، دەپ حابارلايدى Egemen.kz.

الماتىداعى Ashyq جوباسى جاقسى جۇمىس ىستەپ تۇر دەۋگە بولادى.

الماتى قالالىق كاسىپكەرلەر پالاتاسىنىڭ ديرەكتورى ايتۋار قوشمامبەتوۆتىڭ ايتۋىنشا، بيزنەس قاۋىمداستىعى ىندەتتى اۋىزدىقتاۋ ءۇشىن بارلىق مۇمكىندىكتى پايدالانادى. Ashyq-پەن جۇمىس ىستەگىسى كەلەتىندەردىڭ سانى كۇن سايىن ارتىپ وتىر. ەگەر ماۋسىمنىڭ باسىندا 1700 قاتىسۋشى بولسا، بۇگىندە ولاردىڭ سانى 6419-عا جەتتى.

ايتۋار قوشمامبەتوۆ الماتىدا جەكە كاسىپكەرلەردىڭ 37 پايىزدان استامى جوباعا قوسىلعانىن ايتتى. ادەتتە، قوعامدىق تاماقتانۋ مەن قوناق ۇيلەردىڭ يەلەرى بارىنشا بەلسەندىلىك تانىتۋدا.

ء«بىز جوباعا ەڭ كوپ قاتىسۋشىنى تىركەگەن قىزمەتتىڭ توپ-5 ءتۇرىن انىقتادىق. بۇل – 22 242 قوعامدىق تاماقتانۋ وبەكتىسى، 1 117 بازار، سوسو، ساۋدا ورتالىقتارى، 835 سۇلۋلىق سالونى، شاشتاراز، 491 بالالاردى ساۋىقتىرۋ ورتالىعى جانە يوگا ورتالىقتارىن قوسقاندا 426 فيتنەس-كلۋب»، دەدى الماتى قالالىق كاسىپكەرلەر پالاتاسىنىڭ باسشىسى.

Ashyq جوباسىنىڭ تيىمدىلىگىنە قاراماستان، كەيبىر كاسىپكەرلەر كەلۋشىلەردى سكانەرلەۋدە جاۋاپسىزدىق تانىتادى. قازىردىڭ وزىندە 900-دەن استام اۋتسايدەرلەر بار.

«30 شىلدەدە ءبىز اكىمدىكتىڭ سايتىنداعى تىزىمدەردى جاڭارتتىق، وندا جاۋاپسىز قاتىسۋشىلار دا، جوبا كوشباسشىلارى دا كورسەتىلگەن. Ashyq جوباسىندا بارلىعى 152 كوشباسشىسى بار. ءبىز بارلىق اقپاراتتى اپتا سايىن اقپارات جانە تسيفرلىق دامۋ مينيسترلىگىنەن الامىز»، دەدى ا. قوشمامبەتوۆ.

الماتى قالاسىنداعى Ashyq جوباسى كوشباسشىلارىنىڭ ءتىزىمى - https://www.gov.kz/memleket/entities/almaty/documents/details/197689?lang=kk

الماتى قالاسىنداعى Ashyq جوباسىنا ەرىكتى قاتىسۋشىلارىنىڭ ءتىزىمى – https://www.gov.kz/memleket/entities/almaty/documents/details/197690?lang=kk

Ashyq جوباسىنان شىعارىلعان جاۋاپسىز قاتىسۋشىلاردىڭ ءتىزىمى - https://www.gov.kz/memleket/entities/almaty/documents/details/197691?lang=kk

«ەگەر جوباعا قاتىسۋشىلار ءوز مىندەتتەمەلەرىن ورىنداماسا، ولار شىعارىلادى جانە پرەفەرەنتسيالارمەن جۇمىس ىستەۋ مۇمكىندىگىنەن ايىرىلادى. ەكى اپتانىڭ ناتيجەسى بويىنشا الماتىدان 61 قاتىسۋشى جوبادان شىعارىلدى»،دەدى ا. قوشمامبەتوۆ.

ەپيدەميولوگتاردىڭ مالىمەتى بويىنشا، الماتىدا Ashyq سكانەرلەۋىنىڭ ارقاسىندا ءوزىن-ءوزى وقشاۋلاۋ رەجيمىن بۇزعان 170 ادام انىقتالدى. ولاردىڭ بارلىعى اكىمشىلىك جاۋاپكەرشىلىككە تارتىلدى.

سوڭعى جاڭالىقتار

ۇقساس جاڭالىقتار