قوعام • 02 تامىز، 2021

ءىىم ينتەرنەت-الاياقتىقتىڭ ەڭ كەڭ تارالعان ءتۇرىن اتادى

16 رەت كورسەتىلدى

جىل باسىنان بەرى ينتەرنەتتە 11 مىڭنان استام الاياقتىق جاسالعان. بۇل تۋرالى بريفينگتە قر ءىىم تەرگەۋ دەپارتامەنتىنىڭ باستىعى سانجار ءادىلوۆ مالىمدەدى، دەپ حابارلايدى Egemen.kz.

«جىل باسىنان بەرى ينتەرنەتتە 11 مىڭنان استام الاياقتىق جاسالدى. وسىنداي الاياقتاردىڭ الدىن الۋ ءۇشىن مينيسترلىك تۇرعىندار اراسىندا كەڭ كولەمدى اقپاراتتىق-ءتۇسىندىرۋ جۇمىستارىن جۇرگىزىپ جاتىر. ماسەلەن، اعىمداعى جىلدىڭ باسىنان بەرى بۇقارالىق اقپارات قۇرالدارىندا الاياقتاردىڭ ءادىسى مەن سحەمالارى، قاۋىپسىزدىك شارالارىن ساقتاۋ تۋرالى مىڭنان استام ماتەريال، ونىڭ ىشىندە بەينەماتەريالدار مەن پرەسس-رەليزدەر جاريالاندى. اقپاراتتاندىرۋ جانە بايلانىس سالاسىنداعى قىلمىستارمەن، سونداي-اق اقپاراتتىق تەحنولوگيالاردى قولدانا وتىرىپ جاسالاتىن قىلمىستارمەن كۇرەسۋدىڭ 2021-2022 جىلدارعا ارنالعان باعدارلاماسى جۇرگىزىلىپ جاتىر. باعدارلامانى ىسكە اسىرۋ جوسپارى ۇيىمداستىرۋشىلىق، پراكتيكالىق جانە الدىن الۋ شارالارىن قامتيدى. اۋماقتىق دەپارتامەنتتەردە ينتەرنەت-الاياقتىقتى اشۋ ءۇشىن مامانداندىرىلعان جەدەل-تەرگەۋ توپتارى قۇرىلدى»، دەدى س.ءادىلوۆ.

ونىڭ ايتۋىنشا، ىشكى ىستەر مينيسترلىگى قارجىلىق مونيتورينگ اگەنتتىگىمەن بىرلەسە وتىرىپ، نەسيە بەرۋ، بانك جانە تەلەفونمەن اقشا اۋدارۋ سالاسىنداعى الاياقتىقتىڭ الدىن الۋ بويىنشا قاجەتتى شارالار كەشەنىن قابىلداپ جاتىر.

اعىمداعى جىلدىڭ جەتى ايىندا وسى ساناتتاعى قىلمىستىق ىستەر بويىنشا سوتقا دەيىنگى تەرگەۋ بارىسىندا جابىرلەنۋشىلەردىڭ ءبىر ميلليارد تەڭگەدەن استام اقشاسى وتەلگەن. 

س.ءادىلوۆ اتاپ وتكەندەي، ينتەرنەتتە ەڭ كەڭ تاراعان الاياقتىق – جەلىدەگى جارناما ارقىلى الدىن الا تولەم الۋ. مۇنداي قىلمىستارعا ونلاين تاپسىرىس بەرىلگەن تاۋارلاردى جەتكىزبەۋ، تاپسىرىس بەرىلگەن قىزمەتتەردىڭ ورىندالماۋى جاتادى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار