«بارىمتاشىلار. ۋاقىت جولدارى» كينوسى 29 شىلدەدە فرانتسيا ەلىندە كەڭ اينالىمعا شىعىپ, 20-دان استام قالادا كورسەتىلەتىن بولادى. بۇل تۋرالى «قازاقفيلم» ستۋدياسىنىڭ ءباسپاسوز قىزمەتى Instagram-داعى پاراقشادا حابارلادى.
«جاپون رەجيسسەرىمەن بىرلەسىپ جاسالعان ءبىزدىڭ ءفيلمىمىز الەمدىك كينەماتوگرافتىڭ وتانىندا كورسەتىلەتىن بولادى. بۇل مەنىڭ ومىرىمدە العاش رەت بولىپ وتىر. سوندىقتان, بۇل مەن ءۇشىن وتە قىزىقتى جانە قۋانىشتى ءسات», دەدى كارتينا رەجيسسەرلەرىنىڭ ءبىرى ەرلان نۇرمۇحامبەتوۆ.
ءفيلمنىڭ ەكىنشى رەجيسسەرى - جاپوندىق ليزا تاكابە. باستى رولدەردى سامال ەسلياموۆا, اديا مۋسينا, ميراي مورياما سومدادى.
قازاقستاندا اتالمىش كينوتۋىندى اعىمداعى جىلدىڭ قىركۇيەك ايىندا ەلىمىزدىڭ بارلىق اشىق كينوتەاترلارىندا كورسەتىلەدى.
