ايماقتار • 28 شىلدە، 2021

اۋلاسىنا ەسىرتكى ەككەن تۇركىستاندىق سوتتالدى

226 رەت كورسەتىلدى

تۇركىستان وبلىسىندا ءۇيىنىڭ اۋلاسىنا ەسىرتكى ەككەن تۇرعىن ۇستالدى، دەپ حابارلايدى Egemen.kz Polisia.kz سايتىنا سىلتەمە جاساپ.

وزىنە بەكىتىلگەن اۋماقتا رەيد جاساپ جۇرگەن ۋچاسكەلىك پوليتسيا ينسپەكتورى تۇركىستان قپب-عا حابارلاما ءتۇسىردى. ول ءوزىنىڭ حابارلاماسىندا اۋلالاردى ارالاپ جۇرگەندە جەرگىلىكتى تۇرعىننىڭ اۋلاسىندا ەسىرتكىگە ۇقساس زاتتى بايقاعانىن جەتكىزدى.

اقپارات تۇسكەن ساتتەن باستاپ ءتارتىپ ساقشىلارى بىردەن جەدەل-ىزدەستىرۋ شارالارىنا كىرىستى. وسىلايشا، كۇدىكتى ناركولوگيالىق ديسپانسەردىڭ ەسەبىندە تۇراتىن جەرگىلىكتى تۇرعىن بولىپ شىقتى.

اۋلاسىنان تاركىلەنگەن ەسىرتكى تەكتەس 22 ءتۇپ سوت-ساراپتاماعا جىبەرىلدى. ناتيجەسىندە ەسىرتكىنىڭ سورا ەكەنى انىقتالدى.  قازىرگى تاڭدا سوتقا دەيىنگى تەرگەۋ امالدارى جۇرگىزىلۋدە.

اتالعان جايت سدتبت-عا قر قك-ءنىڭ 300-بابى (قۇرامىندا ەسiرتكi زاتتار بار، وسiرۋگە تىيىم سالىنعان وسiمدiكتەردi زاڭسىز ەگىپ-ءوسىرۋ) بويىنشا تىركەلدى. 

سوڭعى جاڭالىقتار

ۇقساس جاڭالىقتار