بۇل قوعامعا قاجەت قادام بولدى. اسىرەسە اۋىلداردا اكىمدەردىڭ ىقپالى جوعارى. سوندىقتان ولاردى سايلاۋ جۇيەسىن وزگەرتۋ قوعام ءۇشىن پايدالى.
دەموكراتيا دامىماسا, ەكونوميكانىڭ دا العا جىلجۋى ەكىتالاي. سوندىقتان ەلدىڭ دامۋى ءۇشىن دەموكراتياعا دا نازار سالۋىمىز كەرەك. ەكونوميكانىڭ دامۋ قارقىنى قانشالىقتى ماڭىزدى ەكەنى ايتپاساق تا بەلگىلى. شىنى كەرەك, ءبىز, اسىرەسە, قازىرگى پاندەميا كەزىندە ىشكى جالپى ءونىمنىڭ وسپەي, كەرىسىنشە تومەندەگەنىن كوردىك. وسى جەردە بيلىك دەموكراتيانىڭ ماڭىزىن ءتۇسىندى. بۇل - ءبىرىنشى ناقتى قادام. ءارى قاراي سايلانعان اكىم دە دەموكراتيا ءۇردىسىن جالعاستىرادى دەپ سەنەمىن.
پرەزيدەنت قاسىم-جومارت توقاەۆ ساياسي رەفورمانىڭ ماڭىزىن ءتۇسىنىپ, وسىنداي دەموكراتيالىق وزگەرىس ەنگىزۋدى ۇيعاردى. كەشەگى وتكەن اۋىل اكىمى سايلاۋىنىڭ تەحنيكالىق تۇرعىدان قالاي وتكەنى تۋرالى ايتا المايمىن. دەگەنمەن, ەڭ ماڭىزدىسى - جۇيەلى دەموكراتيالىق وزگەرىس بولسا, ەڭبەك ونىمدىلىگىنىڭ جوعارىلاۋىن دا, قۇقىقتىق مەملەكەتتىڭ ورناۋىن دا جەدەلدەتەدى.
ەكونوميكانى الداي المايسىڭ. ەكونوميكا تەك دۇرىس جۇيە بولعان جەردە عانا ىلگەرىلەيدى. ول تەك شىنايى جاعدايدى عانا قابىلدايدى, ءوزىنىڭ تالاپتارى بار. سوندىقتان كەشەندى قادام كەرەگىن ءتۇسىنۋ ابزال. پرەزيدەنت وسى كەشەندى قادامدارعا كوشتى. بيلىككە دە ناتيجە كەرەك. ويتكەنى ەل باسشىلىعىنا دا ەكونوميكانىڭ وسكەنى, ەڭبەك ونىمدىلىگىنىڭ ارتقانى قاجەت.
ءالىمباي عالي,
دەفوگراف, ساياساتانۋشى
