كەزدەسۋ بارىسىندا تاراپتار ەكى ەل اراسىنداعى تەمىر جول كولىگىمەن جۇك تاسىمالداۋ قارقىنىنا ءتيىمدى تاريف ساياساتى سەپتىگىن تيگىزىپ وتىرعانى تىلگە تيەك ەتتى. 2021 جىلدىڭ التى ايىندا 12 ملن توننادان استام جۇك تاسىمالدانعان.
تاراپتار تەمىر جول كولىگى سالاسىنداعى بايلانىستى دامىتۋ جونىندەگى ۇكىمەتارالىق باستامالاردى ىسكە اسىرۋ ءۇشىن تاسىمال كولەمىن ودان ءارى ۇلعايتا ءتۇسۋ ماسەلەلەرىن تالقىلادى. اتالعان باستاما اياسىندا قازاقستان مەن وزبەكستان اراسىندا جاڭا تەمىر جول جەلىسىن سالۋ جوباسى ىسكە اسا باستادى. ونىڭ ىشىندە داربازا – ماقتارال جوباسى دا بار. جاڭا جەلى وزبەكستانمەن قارىم-قاتىناستا قوسىمشا مۇمكىندىكتەر اشىپ, سارىاعاش-كەلەس شەكارا وتكەلىندەگى كەپتەلىستى ازايتادى.
كەلىسسوزدەر بارىسىندا «ۋزبەكتەميريۋلەكسپەديتسيا» جانە «ۋزبەكتەميريۋلكونتەينەر» كومپانيالارىنىڭ «ترانسكاسپي حالىقارالىق كولىك مارشرۋتى» قاۋىمداستىعى مۇشەسى رەتىندە قاتىسۋ مۇمكىندىكتەرى قاراستىرىلدى.
تاراپتاردىڭ ايتۋىنشا, بۇل جاڭا نارىقتى دامىتۋعا جانە ترانسكونتينەنتالدى جۇك تاسىمالى اعىنىنىڭ ارتۋىنا جول اشادى.
