ەلدەگى اقپارات الاڭىنا تۇراقتى جۇرگىزىلەتىن مونيتورينگ كەزىندە LinkedIn رەسۋرسىندا ينتەرنەت-كازينو جارنامالاۋ, ناقتى ادامداردىڭ اتىنان اشىلعان جالعان اككاۋنتتاردى تىركەۋ سياقتى قازاقستان زاڭناماسىنا قايشى فاكتىلەر انىقتالعان.
مينيسترلىكتەگىلەردىڭ ايتۋىنشا, مۇنداي ارەكەتتەر ەلدەگى زاڭناماعا عانا ەمەس, اتالعان ينتەرنەت رەسۋرستىڭ ىشكى ەرەجەلەرىنە دە قايشى.
ناقتى ايتساق, رەسۋرستى پايلاناۋ تۋرالى كەلىسىمدە «قاتىسۋشىلار جاريالانعان اقپاراتتىڭ سەنىمدى جانە زاڭدى بولۋى كەرەكتىگى» جانە ء«ۇشىنشى تاراپقا تيەسىلى قۇقىقتاردى بۇزباۋى كەرەك ەكەنى» ايتىلعان.
ال رەسۋرستىڭ جارناما ورنالاستىرۋ ەرەجەسىندە پايدالانۋشىلاردى جاڭىلىستىرۋعا نەمەسە ولارعا جالعان اقپارات بەرۋگە, قۇمار ويىنداردى جارنامالاۋعا تىيىم سالىنعان.
«وسىعان بايلانىستى, بەلگىلى بولعان زاڭ بۇزۋ فاكتىلەرى بويىنشا مينيسترلىك قر «بايلانىس تۋرالى» زاڭىنىڭ 41-1-بابى 3-1-تارماعىنىڭ تالاپتارىمەن LinkedIn ينتەرنەت-رەسۋرسىنىڭ اكىمشىلىگىنە انىقتالعان زاڭ بۇزۋ فاكتىلەرىن جويۋ جانە سونىمەن بايلانىستى ماتەريالداردى ءوشىرۋ بويىنشا شارالار قابىلداۋ كەرەكتىگىن ايتىپ, حابارلاما جىبەردى. الايدا, وكىنىشكە قاراي, ينتەرنەت-رەسۋرستىڭ اكىمشىلىگى زاڭ بۇزۋ فاكتىلەرىن جويۋ بويىنشا شارالار قابىلداعان جوق», دەپ جازىلعان اقپارات جانە قوعامدىق دامۋ مينيسترلىگىنىڭ مالىمەتىندە.
جوعارىدا ايتىلعان «بايلانىس تۋرالى» زاڭنىڭ 41-1-بابىندا كوزدەلگەن ءتارتىپ بويىنشا, مينيسترلىك زاڭ بۇزۋ فاكتىلەرىن جويماعان رەسۋرستى بۇعاتتتاعان.
LinkedIn اكىمشىلىگى ۆەدومستۆو نۇسقاعان زاڭ بۇزۋ فاكتىلەرىن جويعان جاعدايدا رەسۋسرقا قويىلعان بۇعات الىنادى.
«مينيسترلىك قازاقستان زاڭناماسىنىڭ تالاپتارىن ساقتاۋ ماسەلەسىندە ارقاشان سىندارلى ديالوگ قۇرىپ, ينتەرنەت-رەسۋرس اكىمشىلىگىمەن ىنتىماقتاستىقتى جولعا قويۋ ۇستانىمىن ساقتايدى», دەپ جازىلعان اقپارات جانە قوعامدىق دامۋ مينيسترلىگىنىڭ اقپاراتىندا.
