ايتۋىنشا, 25 شىلدە كۇنى وڭىردەگى 65 سايلاۋ وكرۋگىندە بارلىعى 46 799 سايلاۋشى داۋىس بەرگەن.
«وبلىس بويىنشا داۋىس بەرۋشىلەر ۇلەسىنىڭ كورسەتكىشى 84,4%-عا جەتتى. سايلاۋ بيۋللەتەندەرىنە 147 كانديدات ەنگىزىلدى. 59 سايلاۋ وكرۋگىندە اۋىل اكىمدىگىنە ۇمىتكەرلەردى ساياسي پارتيالار ۇسىندى. ونىڭ ىشىندە «نۇر وتان» پارتياسىنان 52 كانديدات, «اقجول» پارتياسىنان 3, «اۋىل» جانە «ادال» پارتيالارىنان 2 ۇمىتكەر سايلاۋعا ءتۇستى. 6 سايلاۋ وكرۋگىندە كانديداتتار ءوزىن-ءوزى ۇسىندى», دەدى الەكساندر مالاشكو.
ءوزىن-ءوزى ۇسىنعان 88 ۇمىتكەردىڭ جەتەۋى اۋىل, كەنت, اۋىلدىق وكرۋگ اكىمدەرى بولىپ سايلانعان. اكىمدىككە سايلانعانداردىڭ ىشىندە 8 ايەل بار. 48 اكىم بۇرىنعى لاۋازىمىنا قايتا سايلانىپتى. ۇشەۋى باسقا اۋىلدىق وكرۋگتەرگە اكىم بولعان. جاڭا اكىمدەردىڭ ەكەۋى كوممەرتسيالىق قۇرىلىمداردىڭ وكىلى, تورتەۋى بيۋدجەتتىك ۇيىمداردىڭ قىزمەتكەرى, بىرەۋى ۋاقىتشا جۇمىسسىزدار ساناتىنان. سايلانعان اكىمدەردىڭ ورتاشا جاسى – 47-دە, ال ەڭ جاس اكىم 28-دە ەكەن. ەگدە تارتقاندارىنىڭ الدى 62-گە تولعان.
وبلىستىق كوميسسيا توراعاسىنىڭ سوزىنشە, سايلاۋ كۇنى كوميسسيالار تاراپىنا ەشقانداي وتىنىشتەر مەن شاعىمدار تۇسپەگەن. كەشە اكىمدەرى تىكەلەي حالىقتىق سايلاۋ ارقىلى انىقتالعان 168 ەلدى مەكەندە, 173 سايلاۋ ۋچاسكەسى جۇمىس ىستەدى.
