25 شىلدەدە ساعات 17:39-دا كۇمىسبەكوۆ كوشەسىندەگى كۇتۋشىنىڭ ۇيىندە ءتورت جاسار بالا ورىندىقتىڭ كومەگىمەن تەرەزە الدى تاقتايىنا كوتەرىلىپ, بەسىنشى قاباتتىڭ تەرەزەسىنەن اۆتوكولىككە قۇلاپ ءتۇستى. بۇل كەزدە بالا كۇتۋشىسى ۇيدە بولعان. ءتۇرلى دەنە جاراقاتتارىن العان بالا اۋرۋحاناعا جەتكىزىلدى. اناسى بالاسىن كۇتۋشىگە قالدىرىپ, ال ءوزى بۋرابايعا دەمالىسقا كەتكەنى انىقتالدى.
سول كۇنى ساعات 19:30-دا 6 جاسار قىز قوسشىعۇل ۇلى كوشەسىندەگى ءۇيدىڭ ەكىنشى قاباتىنان جەرتولەنىڭ كۇنقاعارىنا قۇلاپ ءتۇستى. وقيعا ورىن العان ۋاقىتتا اكەسى كوشەدە بولعان.
26 شىلدەدە اۋداندىق پوليتسيا بولىمىنە 5 جاسار بالانىڭ اۋرۋحاناعا جاتقىزىلعانى تۋرالى حابارلاما كەلىپ ءتۇستى. تەكسەرۋ بارىسىندا تۇنگى ساعات 01:00 شاماسىندا كىشكەنتاي ءبۇلدىرشىن كۋبرين كوشەسىندەگى ءۇيدىڭ ءۇشىنشى قاباتىنان قۇلاعانى انىقتالدى. ءتۇرلى دەنە جاراقاتتارىمەن ول رەانيماتسيا بولىمىنە جاتقىزىلدى.
پوليتسيا ۇسىنعان مالىمەت بويىنشا, جىل باسىنان بەرى ەلوردادا كوپقاباتتى ۇيلەردىڭ تەرەزەسىنەن ون سەگىز بالا قۇلاپ, ءبىر بالا كوز جۇمدى.
