ايماقتار • 25 شىلدە، 2021

بايزاق اۋدانىنداعى سايلاۋ ۋچاسكەلەرى بارلىق تالاپقا ساي جۇمىس اتقارۋدا

44 رەت كورسەتىلدى

جامبىل وبلىسى، بايزاق اۋدانىنىڭ سارىكەمەر، ىنتىماق جانە كوكتال اۋىلدىق وكرۋگتەرىندە سايلاۋ وتكىزىلۋدە6 دەپ حابارلايدى Egemen.kz.

سايلاۋ ۋچاسكەلەرى ءتيىستى كەڭسە تاۋارلارىمەن، جيھازدارمەن، تەلەفون جانە ينتەرنەت بايلانىسىمەن، تاكتيلدى جولاقتارمەن جانە وزگە دە قاجەتتىلىكتەرمەن قامتاماسىز ەتىلگەن. سايلاۋ وتەتىن ورىندار تولىقتاي بەينەكامەرالارمەن جابدىقتالعان.

سونداي-اق، اۋدانداعى بارلىق سايلاۋ ۋچاسكەسى سانيتارلىق تالاپقا سايكەستەندىرىلگەن. بايزاق اۋدانىنىڭ اكىمى باقىت قازانباسوۆ اۋدان ورتالىعى سارىكەمەر اۋىلىندا ورنالاسقان ءال-فارابي اتىنداعى اۋداندىق مادەنيەت ۇيىندەگى №126 سايلاۋ ۋچاسكەسىنە كەلىپ، ءوز تاڭداۋىن جاسادى.

«اۋىل اكىمدەرىن سايلاۋ سارىكەمەر اۋىلىندا ءوز دەڭگەيىندە وتۋدە. اۋىل تۇرعىندارى ءوز تاڭداۋىن لايىقتى جاسايدى دەپ سەنەمىز. بۇل باستاماعا حالىقتىڭ كوزقاراسى جاقسى»، دەيدى سارىكەمەر اۋىلىنداعى №126 سايلاۋ ۋچاسكەسىنىڭ باقىلاۋشىسى امانگەلدى تىلەپوۆ.

سوڭعى جاڭالىقتار

ۇقساس جاڭالىقتار