جامبىل وبلىسىنىڭ جامبىل اۋدانىندا بارلىعى 34 سايلاۋ ۋچاسكەسى بار. جالپى سايلاۋشىلار سانى 52224 ادام بولسا, ونىڭ ىشىندە بيىلعى جىلدىڭ شىلدە ايىندا اكىمدەر سايلاۋى وتەتىن اكىمشىلىك-اۋماقتىق بىرلىكتەردە سايلاۋشىلار سانى 17823-ءتى قۇراعان. بۇگىن سايلاۋ جامبىل اۋدانىنىڭ اسا, اقباستاۋ, ەرنازار, جامبىل جانە قاراتوبە اۋىلدىق وكرۋگتەرىندە وتۋدە. اۋدان كولەمىندە جالپى كانديداتتارعا ارنالعان 24 ۇگىت-باسپا تاقتايشالارى, 21 بيلبورد ورىندارى جانە 24 سايلاۋشىلارمەن كەزدەسۋى ءۇشىن شارتتىق نەگىزدە بەرىلەتىن ءۇي-جايلار ورنالاسقان.
اعىمداعى جىلعى 26 ماۋسىم مەن 9 شىلدە ارالىعىندا اۋماقتىق سايلاۋ كوميسسياسىنا بارلىعى 21 كانديدات قۇجاتتارىن وتكىزگەن. ونىڭ ىشىندە Nur Otan پارتياسىنان 4, «ادال» پارتياسىنان 1, «اۋىل» پارتياسىنان 1, «اق جول» پارتياسىنان 2, «قازاقستان حالىق» پارتياسىنان 3 ازامات ۇسىنىلعان جانە 10 كانديدات ءوزىن-ءوزى ۇسىنعان. ناتيجەسىندە 15 كانديدات تىركەلگەن. ولارعا سەنىمدى وكىل مەن بايقاۋشى بولۋعا 44 ازامات ءوتىنىش بىلدىرگەن. ول ازاماتتار اۋماقتىق سايلاۋ كوميسسياسىنان ءتيىستى كۋالىكتەرىن العان. سەنىمدى وكىل رەتىندە تىركەلگەن 44 ازاماتتىڭ بارلىعى دا ۆاكتسينا سالدىرعان. اكىمدەردىڭ سايلاۋىنا وراي, جالپى بارلىعى 311 ۇگىت-ناسيحات جۇمىستارى جۇرگىزىلگەن.
