فوتو: جەڭىس ىسقاباي, قازاقستان ۇوك
«قۋانىشتى سەزىمدەمىن. بىراق مەن وليمپياداعا التىن ءۇشىن كەلىپ ەدىم. بۇيىرعانى وسى بولدى. مەن ول ءۇشىن وكىنبەيمىن. سەبەبى, جارتىلاي فينالداعى بەلدەسۋ فينالعا بەرگىسىز بولدى. تاكاتو وتە مىقتى بالۋان. ءبىر-ءبىرىمىزدى بىلەمىز. وزدەرىڭىز كورگەندەي, شابۋىل جاسايمىن دەپ, «قاقپانعا» ءتۇسىپ قالدىم. پاندەمياعا بايلانىستى تولىق جاتتىعۋ جاساي المادىق. الەم چەمپيوناتىنا بارماعانىم دۇرىس بولعان سياقتى. سەبەبى, دودا الدىندا سالماق قۋىپ, شارشاپ قالاسىن.
قازىر ماعان دەمالىس كەرەك. ەمدەلىپ, قاتارعا قوسىلىپ جاتسام پاريج وليمپياداسى جايلى ويلانۋعا بولادى. ازىرگە دۇرىستاپ دەمالۋىم كەرەك. قالعان جىگىتتەرگە ساتتىلىك تىلەيمىن. مەن باعىندىرماعان بيىك بەلەستەردى باعىندىرسىن دەيمىن. وليمپيادا ۇيىمداستىرۋ كوميتەتىنىڭ ەرەجەسى بويىنشا كۇرەسىپ بولعاننان كەيىن مەن 48 ساعاتتا جاپونيادان شىعىپ كەتۋىم كەرەك. وكىنىشكە قاراي جىگىتتەرگە قولداۋ كورسەتە المايمىن.
ماعان قولداۋ كورسەتكەن باپكەرلەرىم, اعالارىما مىڭ العىس. وتان وتباسىدان باستالادى دەيدى. مەنىڭ جاناشىرىم وتباسىما دا مىڭ العىس ايتامىن. وليمپيادانىڭ العاشقى كۇنى جامان بولمادى دەپ ويلايمىن.وليمپيادادا قازاقستاننىڭ كوك تۋى جەلبىرەپ, ءانۇرانىمىز شىرقالا بەرسىن دەگىم كەلەدى», دەپ وليمپيادادا العان اسەرلەرىمەن ءبولىستى ەلدوس سمەتوۆ.
