«قالا تۇرعىندارى كۇن سايىن جولدا, جۇمىستا, تۋىستارىمەن جانە ت.ب. ادامدارمەن ارالاسادى. وكىنىشكە قاراي, ءبارى بىردەي قاۋىپسىزدىك شارالارىن ساقتاي بەرمەيدى. سانيتارلىق نورمالاردى جانە ءوزىن-ءوزى قورعاۋدىڭ قاراپايىم تاسىلدەرىن ساقتاماۋ قاتەرگە باس تىگۋمەن تەڭ. مۇنداي جاعدايدا ادام ءومىرى مەن دەنساۋلىعىنا قاۋىپ تونەدى.
ءبارىڭىزدى شۇعىل تۇردە ەكپە الۋعا شاقىرامىن. ۆاكتسيناتسيا عانا ءسىزدى جانە وتباسىڭىزدى رەانيماتسيادان, اۋرۋدان كەيىنگى وڭالتۋ كۋرسىنان, انتيبيوتيكتەر مەن وزگە دە اۋىر ءدارى-دارمەكتەر قابىلداۋدان ساقتايدى.
ۆاكتسيناتسيانىڭ ماڭىزىن ەلورداداعى قۇرىلىس كومپانيالارىنىڭ وكىلدەرىمەن دە تالقىلادىق. بيىل جۇمىس كوپ. قولجەتىمدى تۇرعىن ءۇي قۇرىلىسىنىڭ كولەمى, وقۋ ورىنداردىڭ, الەۋمەتتىك نىسانداردىڭ قۇرىلىسى جانە ت.ب. ارتپاق. الايدا ۇجىمدىق يممۋنيتەت قالىپتاسپاسا, قۇرىلىس جۇمىستارى توقتاتىلادى. ۆاكتسيناتسيا ارقىلى عانا ۇجىمدىق يممۋنيتەتتى دامىتا الامىز», دەپ جازدى التاي كولگىنوۆ ءوزىنىڭ Instagram پاراقشاسىندا.
