وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا سۇيەنسەك, 19-23 شىلدە ارالىعىندا «قۇقىقتىق ءتارتىپ» جەدەل پروفيلاكتيكالىق ءىس-شاراسى ءوتىپ جاتىر.
«بۇل ءىس-شارانىڭ ماقساتى – ازاماتتاردىڭ قۇقىقتىق ساناسى مەن مادەنيەتىن ارتتىرۋ, حالىقتىڭ اراسىندا تارتىپسىزدىك پەن ۇساق قۇقىق بۇزۋشىلىقتىڭ جولىن كەسۋ. پوليتسيا قىزمەتكەرلەرى ەكى كۇندە وبلىس اۋماعىندا 944 اكىمشىلىك قۇقىق بۇزۋشىلىقتى انىقتادى. بۇرىن جاسالعان 6 قىلمىستىق ءىس اشىلدى. ونىڭ ىشىندە قوعامدىق ورىنداردا سپيرتتىك ىشىمدىك ءىشىپ, ماس كۇيدە جۇرگەندەرگە قاتىستى 89, ۇساق بۇزاقىلىققا بايلانىستى 87 دەرەك بار», دەيدى وبلىستىق پوليتسيا دەپارتامەنتىنىڭ باستىعى, پوليتسيا پولكوۆنيگى قامزا ۇمبەتقاليەۆ.
سونداي-اق تۇنگى مەزگىلدە كوشەدە جۇرگەن كامەلەتكە تولماعان 99 ءجاسوسپىرىمنىڭ زاڭدى وكىلى, ءتۇن تىنىشتىعىن بۇزعان 29 ادام, جولدا ءجۇرۋ جىلدامدىعىن ارتتىرعان 311, كولىك قۇرالىن ماس كۇيىندە باسقارعان 9 جۇرگىزۋشى اكىمشىلىك جاۋاپكەرشىلىككە تارتىلدى. ال, كوشى-قون قىزمەتىنىڭ قىزمەتكەرلەرى قازاقستان رەسپۋبليكاسىنىڭ اۋماعىندا بولۋ ەرەجەلەرىن بۇزعان 20 ادام انىقتادى.
